المشاكل كثيرة والحل بالصبر

[جمال]

مشاكل الخدم يا جماعة كثيرة ، أقلها تعليم الخادمة بالمطلوب فى البيت وشنو اللى تسويه وشلون ، ويا الله لما تتعلم تصير تبى تسافر على ديرتها ، وتعال عدل أغراضها والإقامة الجديدة علشان ترجع لك بعد كل ها الخبرة اللى تعلمتها ، وما تدرى ترجع ولا لا .

المهم فى المطار طبعا عندها وزن زايد بالسبعين كيلو وأكثر ، ومنو راح يدفع لها قيمة الوزن الزايد غيرك يا المعزب ، بس الشاطر شيسوى ؟

عن تجربتى الشخصية شفتها فرصة ، قلت لها أنا ماكو فلوس واحتجزت الجنطة بالبيت عندى علشان أضمن إنها ترجع لنا ، خاصة أنى دفعت فلوس الإقامة الجديدة والتأمين وخلافه ( ما فى شىء خلافه ) …. بس تدرون يا جماعة هى كسرت خاطرى فقررت أدز لها أغراضها بالشحن الجوى مع دفع قيمة الشحن ، وما أدرى عاد توصل ولا ما توصل .

للحديث بقية …………

[جواد]

الصراحة قلت اللى فى قلبى ، عندى خدامة ماردت وهى خايفة من الحرب .... والولد عندى متعود عليها شسوى قولوا لى شسوى