اصدق امير من ال سعود يفضح فساد عائلته ... فيديو

[مرتاح]

http://www.youtube.com/watch?feature...rc4Y6ckJw&NR=1

[القمر الاول]

الصدق سوف ينجيه

[عبآره شوق]

اتحداكم جميعآً ان تثبتوا ان امير سعودي


وانا الحين راح اثبت لكم ان لاهو امير سعودي ولايدري عن السعوديه ولاشي


تعالوا معي حبه حبه ياعشاق ايران !! الفبركات حقه سعد الفقيه ولاايران ولاغيرهم ماتمشي علينا


حنا نتكلم بادله مومثلكم نقول كلام من هواء راسنا وهذا اكبر دليل ان موسعودي ولايدري عن السعوديه ولاشي



1- التصوير في وضع غريب


أ- لان نفس المقطع مايملك انه لقناه !! مانظن امير راح يرضى يتصور بس بشكل في اليوتيوب فقط وبنفس الوقت يجلس يسب في ال سعود !!!


ب- الامير نفسه لبسه عادي ماعرفنا امراء سعوديين يطلعون من غير ثوب وشماغ الا امراء معينه امثال عبدالعزيز بن فهد


ج- الامير نفسه غريب اول مره نشوفه نعرف ال سعود وامراءهم وشفناهم ماعمرنا شفنا هـ الامير الجديد هذا ؟


2- الاخ اللي يقول انه امير يقول ان الملك طلب من تجار الرز يرفعون الاسعار ويقول اصلاً مافيه


شي اسمه تجار رز بالسعوديه هذا كله لال سعود التجار هذي مجرد اسم !!!! بصراحه حدها قويه


يعني تجار الرز صارو موتجار سعوديين كلهم امراء بجد نكته الموسم !!!


3- الاخ اللي يقول انه امير قال كذبه تبين انه مايدري عن السعوديه ولاشي الا وهي الاخ يقول



ان وزاره التربيه والتعليم طلبت من الملك فلوس عشان يغيرون بالمدرسه اللي احترقت في مكه


مع العلم انها في جده يااميرنا السعودي انت ؟ من قالك المدرسه اللي احترقت الاخيره في مكه المكرمه يافيلسوف انت سبحان الله حبل الكذب قصير !!!



4- الكذبه الاكبر ان بومتعب مايقصر ودعم المشاريع والتعليم بالذات والجامعات بالسعوديه بعهده وصلت الى 30 جامعه تقريباً وغير الجامعات اللي خسر عليها مليارات كيف يبخل على بناء مدرسه او تعديلها!! معقول



بيبخل بمبلغ يغير فيه وهو اللي يطلع كل سنه ويقول الميزانيه ويوزعها ويحرص الوزراء



عليها وان يخافو الله في صرفها !!!


5- صاحب المقطع يقول ينتقد صحيفه سبق وماشفنا اي انتقاد لها لم سمعت المقطع اصلاً ماذكر اسمها بالمره !! ماندري يعانون من صحيفه سبق كثير ليه !!


6- الاخ اللي يقول امير سعودي بدون قصد المسكين انفضح سبحان الله يتكلم عن جامعه الملك


عبدالله ويسخر منها ويقول غرقت لم جات سيول الاخ يقصد جامعه الامير نوره بالرياض سابقآً



اللي لها مقاطع باليوتيوب وهـ الطيب شكله شايفها والاخ شكله نسى ان الجامعه الحين



تغيرت وتطورت والملك دفع عشانها 20 مليار وهي اكبر جامعه نسائيه بالعالم الان على مساحه


80 كيلو متر وتخزين للطاقه الشمسيه والميترو هذا اكبر دليل ان الاخ يدعي ويفتري على



الملك لم يقول مارضى يدفع لوزاره التربيه لمن طلبوه قلب التقصير من الملك مومن الوزراه



اللي هي بنفسها انلامت من الشعب واساءات لنفسها !!!


وش الامير هذا اللي مايدري عن السعوديه اي شي يقول كلام موواثق منه ولاندري من وين سامعه !!!


سبحان الله حبل الكذب قصير



على فكره قبل مانسى مره دخلت موقع من اتباع الفقيه مطيري اسمه على ماظن يسيء لال سعود


ويتهمهم ويكذب عليهم ووصل الكلام عن المساجين انصدمت لم دخلت الموقع وشفت من ضمن


المسجونين الشيخ السديس !!!! اوف للدرجه هذي وصل استغفال العقول وضحك على العالم


بجد شي يضحك سبحان الله دائم اعدائنا ربي يكشفهم ولله الحمد والشكر



__________________________________________________ ________



رساله باسمي وباسم الشعب السعودي الوفي الواعي محب لوطنه وحكامه صحيح نعاني من وجود


امور كثيره وتقصير من قبل البطانه الفاسده ولاكن بومتعب خط احمر وبوسعود خط احمر


يافقيه وياايران شئتم ام ابيتم باذن الله لن يحكم السعوديه الا ال سعود وحكامنا خط احمر


والاعيبكم ماتنطلي علينا بسكم تاليف وكذب في اعلامكم وهذي اهداء لكم من الشعب السعودي





وسلموا لنا على الامير السعودي اللي مايدري عن السعوديه الا اسمها فقط والمشكله اللي هنا مصدقين


بعقلكم امير سعودي بيترك العز والخير ويقلب على ال سعود !! شي مضحك من جد واضح الفقيه واتباع ايران


ال سعود مسببين لهم ازمه حتى في عز نومهم يصحون يقولون يما لا ال سعود اوف