لا للضغط لا للتطبيع لا تتطبير { موضوع حساس من أجل الصلاح }

[الثعلب man]

موضوع يمكن يكون مليق ويمكن يكون مفيد بس ان شاء الله الكل يستفيد منه لان وايد خذينا آثام .


الضغط أو التعييب أو التمصخر على الغير وهذا شيئ منتشر بين الشباب والبنات أيضاً فمثلاً تشوف واحد متين قعدو ربعه وضغطوه وعيبوا عليه يا البتش يا الدرباحه جنك نفيخه المنافيخ شوف ويهك جنه تفاخيه شنو تاكل انت يهال وله بعارين كرشك طايح لا ريولك وجسمك وارم جنك دمبله تبيني أيب إبره وأفشك , ملابسك XXXXL انت الاسترج ينشق اذا لبسته صماخك شكبره خيلي دراز ما تستحي تمشي وتاكل مفروش من كل الجهات الناس ياكلون صمونه او اثنين مو 10 صمونات ويهك تقول فيل مو مغسل أقول الخرتيت شنو يصيرلك ؟ عطني ثلاث قلاصات حليب السعوديه يا البطه يا البفه يا كعبول , أو أن واحد طويل يمسكونه ويقولون له يا الأهبل برج ايفل أقصر منك حط سحارة ببسي على راسك عشان لا تطول , الزرافه تستحي تمشي يمك لانها قزمه جدامك , ايدك شطولها تقول العم وحيد { المفتش غادجيت } شنو هالأصابع تقول أصابع بطريق رقبتك ما أدرى هل زرافه وله نعامه يا عمي الطيارات تشتكي من ايدك اذا تمغطت يا الطنطل , أو واحد عيونه كبار شنو هالعيون تقول ضفدع أو خشمه طويل : شنو هالخشم تقول جنه منقار هدهد يتيم
أو أذونه كبار : يا الطيب هذه أذون وله ستلايت لو سمحت حطلي ستار اكاديمي
أو انك قزم : يا الفتنه تعال هالطول ومسوي روحك ريال جنك صبعي الخنصر , الدوده أطول منك الظاهر طايح عليك مكيف وصغرت ,
أو انك ضعيف : انت يا العصل تبي ايب بم وأتفخك , جنك جراده وعصاية هوكي , جنك فزاعه بالمزرعه وهيكل عظمي متحرك يا الزعاره ,
أو انك حلو و ناعم : انت للحين تحط خيار على ويهك تحافظ على بشرتك اسمله عليك انت تلبس جبانيز واسترج وبجم تصفف شعرك دلوعتي واي ماماتى شوفيه يعيب علي

أو أنه جيكر { عبدالله دشتي } انت روح انتحر حق شنو عايش جكرك اجكر من الجكر
أنا لو بدالك جان تلثمت ومشيت شفيك جنك خروف بحلجه جت
يبيلك 100 عملية تجميل يالله تصير نفس عبد الناصر درويش
انت اذا شافتك بنت يصير فيها جنون البقر وشعرها يصير كشه وتروح تناقز بالشارع وتلبس شحاطه وهلاهوب وتاكل بنك واذا شافك ريال يصير فيه اسهال وامساك وبواسير وقرحه وياخذ صورتك ويخرع عياله عشان ينامون للمدرسة ويعلق صورتك على تكرمون باب الحمام ويكتب عليها اللهم اني اعوذ بك من الخبث والخبائث }
أو انه واحد أسمر وخال : يا الكويحه بجم الفول السوداني شعرك فلافل ليش ما تربي زهيوي فيه , خشمك قزوزات الله يهداك فيك الف يني يرقص مع خالد الملا , براطمك مثل براطم غوريلا وايدك جلحه ملحه مثل ايد السيلانيه ,
أو ما عنده شوارب : انت يا الأملط اخذ جت وحطهم شوارب اذا ما عندك ويهك يلمع ما ادري بنت وله ريال اكيد ارفيجتك اسمها دق دق وصاحبك اسمه متفصخون.
أو بعض البنات والحريم : وي أقولج شفتى نفنوف زليخه بالعرس جنه نفنوف خدامتنا انتى ما شفتى مكياجها حلجها جنه حلج بقره
ما قتلج شفت هذه الي ما تحبينها بالسوق وله صايره بوتمبه تقولين زوجة البعير تمشي, تعالى وحده راحت ايران تسوي عملية شفط شحم رجعت وله صايره درام زباله ووي قبره
تعالى ما قتلج : شنو يا ويخيتي : سليمه تصكج تذكرين هالعصله الى جنها مرت باباي : اي : مصيبه رشيقه بل عليها .
أووووه ما قتلج هنادي قاصه بوي خل نغلدها ؟ لا ويي انا اذا قصيت بوي ابي سيكل هارلي وأقز على الخليج .
شفتي فتون كل يوم لبس يديد مو انتي دراعت يدتج للحين تلبسينها.
حتى عبور الي جنها صخله حوله ذيك المره شفتها مع البوي فريند مالها بالوانيت ددسن قاعد يقحص فيه شنو ما لقت الا هذا ؟ شدراج يمكن ريحت البعارين والخرفان عاجبتها . يمكن يا حسرتي .
ــــــــــــــــــــــــــــــــــــــــــــــــــ
ــــــ

بسم الله الرحمن الرحيم
يا أيه الذين ءامنوا لا يسخر قومٌ من قوم عسى أن يكونوا خيراً منهم ولا نساءٌ من نساءٍ عسى أن يكن خيراً نتهت ولا تلمزوا أنفسكم ولا تنابزوا بالألقاب بئس الاسم الفسوق بعد اللإيمان ومن لم يتب فأولئك هم الظالمون
صدق الله العظيم

قال الرسول الاعظم :
المسلم من سلم المسلمون من يده ولسانه


فعلينا الابتعاد عن هذا الكلام التافه والمضيعه للوقت
لان التنابز بالألقاب { والتعييب } اثم في اثم
وما يعيب الا المعيوب
فانشاء الله وصل لكم الهدف من هذا الموضوع وان شاء الله تقتدون فيه وتكونون خير الناس لإعمار الكون وعبادة الله تعالى وان تكون خير من يمشي بالخط الأصيل .
وعلينا بأن لا نطبر ونشق رأسنا { شكو لوووول }
وأن نطبق التطبيع .

فخلاص من اليوم ورايح ماراح أقول حق منتصرون متفصخون وناعم وراعي مسجات دافيه وأن ريحته خايسه مثل ريحت مزرعة فيها بقر وتيوس وماراح أقول أن صوته مبحوح جنه صوت سحليه وماراح أقول أن ايده ورقبته طويله مثل الفزاعه وماراح أقول حق مراسل مغاسل وماراح أستغيب ارفيجت اشفيك انت دق دق راح أكون خوش صبي من اليوم ورايح



مؤسس المدرسة الثعلوبيه
الثعلب مان
خيلي خيلي فزول