النائبة اسيل العوضي تلقى هذه الايام ثناءا كثيرا من التكفيريين واتباعهم ومن أهل الصراخ والنباح بعد ان كانوا يهاجمونها سابقا ، كما انهم أنفسهم الذين عارضوا حقوق المرأة الدستورية ومنعوها من دخول مجلس الامة لعدة مرات بعد أن أسقطوا قانون ترشيح المرأة ، فماذا جرى وما هي الاسباب التي غيرت المواقف ؟
كل اللي سوته أسيل انها وزعت شوية كاكاو على الاعضاء البدو فاستانسوا منها
واحد يقول انها ارجل من بو عمامه
والثاني يقول انها تسوي عشرين رجل
وهلم جرا
أسيل..تاتشر الدبدبة
بوشيخة
جماعة «الا الدستور»، واصدقاؤهم، وربعهم، وكتابهم، وجمهورهم، ورابطة المشجعين، هالايام طايرين بالنائبة الرشيقة اسيل...وطايحينله صواريخ، وانتي احسن من طوال الشوارب، وانتي لحية غانمة، وانتي السنافي، وانتي المرأة الحديدية، واخت الرجال،والسيدة الاولى، وملكة الحريات، وزرقاء اليمامة، وملكة جمال النائبات، وذات المواقف الصلبة،الحكيمة الجميلة الفاهمة، تاشر الكويت، وميركل الجابرية، وجان دارك الدبدبة!
ما خلو شي ماقالوا عنها، المهم ما اطول عليكم بس الظاهر بدا هالكلام يؤثر عليها، ودشت علينا عرض في المجلس، وصعدت الرصيف،وخذت خطوتين للامام،بعدين نطت ثلاث نطات، وبعدين وقفت جدام الميكرفون، وقالت كلمتين، مثل اي كلام بالمجلس يقوله النواب «نطالب ونؤيد ولابد ولا شك وسوف ولعل...والسلام عليكم» شنو صار، بعد كلمتها؟انااقول لكم:
الي قال هذا الكلام رائع ولا نزار قباني،والي قال انه كلام يكسر الدنيا ويفجر العالم،والناس طالعة مظاهرات في الاكوادور حالفين ما ينامون الا بعد ما يسمعون خطبتها كل ليلة، والي قال لازم خطبتها تدرس في المدارس من اول ابتدائي الي الجامعة،ولازم خطبتها تقرر حفظ،والي قال لازم ناخذ كلمتها ونحولها الى اغنية وطنية يغنيها اليهال في العيد الوطني،،لازم ندق على سناء الخراز تغني خطبتها،وبعدين نوزعها على القنوات الغنائية،وندق على عبد الوهاب يلحن لها كل خطاباتها وتصريحاتها،والي قال هذي الخطبة لازم نحولها من فيلم من ثلاثة اجزاء،مثل حرب النجوم وهاري بوتر،وبعضهم قال لا هذه الخطبة مثل لوحة بيكاسو،والي قرر يسوي لها تمثال ويحطه بدوار الجهرا... واسيل صدقت طبعا،ومنو ما يصدق كل هالدعاية، والصور والتعليقات والمقالات في مدحه!
والمشكلة مو في العجاف،والدعاية الفاضية، المشكلة في منو مدحها،انا اعطيكم مثل واحد،الي مدحها وليد الطبطبائي! هذا الي ما خلا شي ما قال ضدها من تحريم ترشيحها،لي اعتراضه على قسمها،لي مطالبته بانها تتحجب،والا راح يطردونها من المجلس...بس شنو نقول عن السياسية،وشغل السياسية...فرجاء نصيحة لنائبة الامة اسيل...لا تصدقين ترى مو صج..
Boshi55a@hotmail.com
المثل اللي اسمعه دايما
شيم البدوي وخذ عباته
هذا اللي سوته أسيل
