السيد حسن نصر الله يتحدث عن إيران والسعودية في اجتماع داخلي ...ماذا قال؟

[الراي السديد]

https://i.pinimg.com/474x/ec/41/53/ec4153d25bfb13125b782a902dc35589.jpg


04.08.2021

كشف موقع قناة "mtv" اللبناني تفاصيل لقاء عقده الأمين العام لحزب الله اللبناني، حسن نصر الله مع خطباء المنبر الحسيني، مع اقتراب ذكرى عاشوراء.

وأكد الموقع أنه حصل على مضمون اللقاء، الذي كان بعيدا عن الإعلام، وتحدث فيه نصر الله عن التعاون مع إيران والموقف الذي اتخذه الحزب وفاجأ المملكة العربية السعودية.

وأشار الموقع إلى أن نصر الله تحدث عن ثلاثة عناوين كبرى، منها ما اسماه "تشويه صورة حزب الله وضرب النموذج".

وقال إن هناك محاولات لـ"جرّ حزب الله الى حربٍ داخلية"، لافتا إلى أن "هذا مبنيّ على معطيات بدأت من حجز سعد الحريري الذي كان الهدف منه إشعال الحرب الأهلية، ولكن موقف الحزب فاجأ السعودية وغيّر مسار عملها".

وتابع الموقع أن نصر الله في هذا الموضع "تطرّق إلى حادث خلدة واغتيال علي شبلي، فقال: "نحنا ما عنا دم بروح على الأرض ولكن لا نذهب إلى حيث يريد العدو.

فنزول الحزب إلى الأرض كان سيعني قرارا بحرب داخلية وهناك من يسعى لجلب السلاح لقتالنا".

ووقعت اشتباكات طائفية الأحد الماضي، في منطقة خلدة غداة مقتل قيادي محلي بجماعة "حزب الله" بالرصاص خلال حفل زفاف، السبت، في جريمة ثأر.

وقالت جماعة "حزب الله"، في بيان، إنه "أثناء تشييع الشهيد المظلوم علي شبلي، تعرض المشيعون إلى كمين مدبر وإلى إطلاق نار كثيف من قبل المسلحين في المنطقة، مما أدى إلى استشهاد اثنين من المشيعين وسقوط عدد من الجرحى".

وأضاف البيان أن "قيادة حزب الله إذ تتابع الموضوع باهتمام كبير ودقة عالية، تطالب الجيش والقوى الأمنية بالتدخل الحاسم لفرض الأمن والعمل السريع لإيقاف القتلة المجرمين واعتقالهم، تمهيدا لتقديمهم إلى المحاكمة".

وفي بيان سابق، قال حزب الله إن "الشهيد المظلوم علي شبلي قضى بفعل منطق التفلت والعصبية البعيدين عن منطق الدين والدولة". ودعا حزب الله الأجهزة الأمنية والقضائية إلى "التصدي الحازم لمحاسبة الجناة والمشاركين معهم، إضافة إلى ملاحقة المحرضين الذين أدمنوا النفخ في أبواق الفتنة واشتهروا بقطع الطرقات وإهانة المواطنين"، وفقا لما نقلته قناة "المنار" التابعة لحزب الله.

ونقع موقع "mtv" عن نصر الله في اجتماعه الداخلي إشادته بما وصفه بـ"وعي الشارع الشيعي تجاه حصل من أحداث في الأيام الأخيرة".

وتحدث نصر الله في الاجتماع كذلك عن ما اسماه "الحرب الاقتصادية"، وقال الأمين العام لحزب الله أن "هذه حرب وليست صدفة وعلينا أن نصبر وأن نكون جديين في العمل"، مضيفا "الوضع في إيران صعب ولكن هناك صبر وتحديد مسؤوليات".

وقال نصر الله إنه "أخذ القرار بالاستيراد من إيران وبدأ العمل على ذلك، وكلها قرارات صعبة تحتاج إلى وقت وتحتاج إلى العمل على كسر سعر السوق بعد رفع الدعم، والمواد النفطية هي من الحاجات التي لا يمكن الاستغناء عنها ومنها المازوت الذي لن نتركه".

وأضاف: "بدأ استيراد الأدوية الايرانية... اللي بقولوا عنا سمّ فما ياخد منو".

وهاجم نصر الله الإمارات وقال إن "هدف مؤتمرات أبو ظبي تجويع البيئة للانقلاب على الحزب والمعالجة بالوعي"، وأضاف "علينا بالقناعة والتكافل وبناء ثقافة الانتاج وتعزيزها"، لافتا إلى أن "هذه الفترة ليست بسهلة وستمتد سنوات".

[لن انثني]

“رأي اليوم” تنشر النص الحرفي للقاء السيّد نصر الله “العفوي” مع العلماء: نحن قاومنا أمريكا وهزمناها في العراق وليس “القاعدة”.. لو غيرنا يحمل السلاح لفرض خياراته على اللبنانيين.. واقتحام الجليل جدي.. الدواء والنفط الإيراني قادمان.. مجزرة خلدة لكل حادث حديث

بيروت ـ “رأي اليوم”:

خاطب السيد حسن نصر الله، امين عام حزب الله امس نخبة من العلماء اثناء اللقاء السنوي العاشورائي بقلب مفتوح، واكد ان الحزب لا يريد ان يكون بديلا عن الدولة، وكانت احداث خلدة “مصيدة” لإشعال الحرب الاهلية، وشدد على ان الحزب سيجلب النفط والدواء من ايران، والسؤال هو هل تسمح الدولة او إسرائيل بوصولهما؟

وكشف ان انصار آل البيت هم الذين قاوموا الاحتلال الأمريكي وهزموه وليس تنظيم “القاعدة”، واليكم النص الكامل والصريح للقاء:

نص كلمة الأمين العام لحزب الله السيد حسن نصر الله خلال اللقاء السنوي العاشورائي مع العلماء:
بداية نتوقف عند الأرواح الطاهرة للشهداء الأربعة في خلدة ونهدي لهم الفاتحة .

بخلدة كان عم يتحضر لحرب أهلية فما كان بدنا نروح لمحل ما بدو يروح العدو ؛ فقررنا انو الجيش والقوى الأمنية يتولوا الموضوع .

وما بدي احكي اكثر من هيك وبعدين لكل حادث حديث ؛ بس بدي قلكن شي نحنا ما عنا دم بروح عالارض؛ بس ما بدنا نروح محل ما بدو العدو ..

والله والله لو في حدا بلبنان بيملك عديدنا وقوتنا وسلاحنا ومعنوياتنا كان بيجمع اللبنانيين وبيفرض عليهم خياراتو بقوة السلاح بس نحنا ما عملنا هيك ولا حنعمل هيك .

▪️هيدا ما بدي احكيه بالإعلام لكن العدو يعلم بس انا ما بدي سجل موقف رسمي .

المقاومة الحقيقية في العراق من 2003_ إلى 2011 كانت المقاومة الإسلامية لا قاعدة ولا تنظيم الدولة بشكل اساسي كانت شيعة اهل البيت بعناوين مختلفة ( كتائب / عصائب الخ )

اخواننا شبابنا كانوا موجودين ومشاركين بشكل ميداني وبعض الأخوة استشهد وبعض أسر . اما القاعدة فهوليك كانوا عم يعملو عمليات على الناس من 4 إلى 5 آلاف عملية انتحارية كثار منن سعوديين وللأسف بيطلع واحد بساوي بين إيران والسعودية .

هون حزب الله طلع من حساب لبنان

2006 محاولة تنفيذ مشروع الشرق الأوسط الجديد وكان المشروع مسح حزب الله سحقه وانقلب السحر على الساحر

اجا مشروع جديد ما سمي بالربيع العربي

وصلوا لسوريا وهي اصلا مستهدفة قبل ال2006 بس بعدها اكثر لان لا يمكن القضاء على المقاومة في لبنان الا من سوريا فاشتغلوا عليها اول شي بالسياسة انو صار يجي أردوغان ويروح وحتى الملك عبد الله عمل زيارة والهدف انو ياخدو بشار الأسد على هالخيار .

لما ما مشي الحال اجت الأحداث وراحوا عالحرب انا ما بدي بالغ ولا بدي اتواضع وما عم احكي بالإعلام لما نحكي . بالعراق الأساس هني العراقيين بسوريا الأساس السوريين اليمن اليمنيين نحنا بسوريا كانت درجة تاثيرنا اساسية جدا ومؤثرة جدا .

▪️التطور الاخير للمقاومة في لبنان :

انا بمزح مع الاخوان انو العدو بحطولنا نجوم وبيرفع من رتبنا .

قبل ال2000 كان يعتبر انو الحزب يهدد أمن إسرائيل ( استهداف جندي/ اقتحام موقع/ تفجير عبوة/ أسر/ استهداف مستوطنة حدودية …)

بال2000 رفعلنا الرتبة وسماها تهديد مركزي

بعد ال2006 وخصوصا بعد الأحداث بسوريا وهو كان عم يراقب المعركة رفع المستوى لتهديد استراتيجي
من سنتين لهلق كل مراكز الدراسات الإسرائيلية يلي كانت تعتبر التهديد الوجودي الواحد على إسؤائيل هو إيران بهالسنتين رفعت حزب الله أيضا إلى تهديد وجودي على الكيان .

قبل 40 سنة كنا مجموعة قليلة نخاف أن يتخطفنا الناس من حولنا .. اليوم كل الخبراء الاسرائيليين بقولوا انو حزب الله يشكل تهديد وجودي يعني بهدد بقاء اسرائيل .. ليه؟

اولا : القدرة البشرية .. يمكن إسرائيل بتقدر العدد . ما مرق بتاريخ لبنان العدد الحالي للتشكيل . العدد اذا بينعلن عنو في ناس بتهرب من لبنان مع انو نحنا ما بدنا نهرب حدا من البلد .

ثانيا : البيئة الحاضنة بكل المناطق الموجودة فيها المقاومة وهيدي البيئة عبرت عن نفسها بال2000

وال2006 وواكبت المقاومة بحرب سوريا وهي من أهم عناصر القوة وهيدي اللي عم يعولوا عليها بالتحديد .

ثالثا : الصواريخ الدقيقة

ليش راح رئيس الكيان الاسرائيلي على فرنسا ليطلب منن ما يدفعو ولا فلس للبنان قبل ما تحلوا مواضيع الصواريخ الدقيقة وترسيم الحدود .

هني الإسرائيلية كثيرة حكي وهيدا مليح .

جنرال متقاعد قال مرة انو حزب الله بشكل تهديد وجودي قالولو انو ما عندن الا 200 صاروخ دقيق قلن مش بحاجة لأكثر من هيك .

عنا 6 محطات طاقة أساسية لو ضرب كل محطة صاروخ صاروخين هول 12 صاروخ

عنا 3 أربع محطات تحلية مياه ضرب كل محطة صاروخين .

ضرب هون ضرب هون

بعد ما حكي قلت للإخوان هول اعملوهن أهداف .

هونيك ما حدا بقاتل دون عرضو وأرضو وبستانو كل واحد عندو جنسيتين وهيدا اللي عم نراهن عليه .

رابعا : بيجيك موضوع الدخول إلى الجليل ونحنا عنا ياه بمنتهى الجدية

اليوم هني طالبين 3 مليار دولار لتكملة الجدار

وطالبين 3 مليار دولار لتحصين المستوطنات خلف الحدود

وعم يعملو مناورات دفاعية وهجومية وكيف بدنا نطلع حزب الله من الجليل ونرجع نهجم على الجنوب .

ضيف عليهن يلي صار بغزة والضرب على تل أبيب والوسط فاسرائيل نعم مهددة .

▪️رابعا : النموذج

40 سنة قدمنا النموذج بالقتال والتدين والادب والأخلاق .

– قبل ال2000 لما الشباب يقعدوا كذا يوم ببيوت يتركو رقم تلفون حتى يحاسبو بالاشياء يلي استخدموها .
– العفو عن العملاء أسوة برسول الله .. اذهبوا فأنتم الطلقاء

– عدم استخدام القوة في الداخل لفرض خيار سياسي ، وبعد أحداث سبعة أيار هني اختاروا الرئيس اللي بدن ياه .

▪️طريقة المواجهة :

– تقديم النموذج الصالح.

بتحداكم تطلعوا بملف فساد واحد عن حزب الله على القضاء ، ولما عجزوا عن هالشي صاروا يقولوا طيب انتو مش فاسدين انتو (حاميين للفساد) .

كمان نحنا مش لازم نعطي مادة لعدونا اخوان واخوات العيون كلها عليكم ( قالها بحزم ) اليوم كلو بصور وبسجل حتى التفاصيل الصغيرة حتى المباح فضلا عن المكروه ما بدي فوت بالمحرمات وبدنا نكون كثير حذرين مع مين قاعدين مع مين عم نحكي هيدا الاستسهال لبعض المسائل والعلماء والإخوان وحتى الأخوات
اليوم الجملة اللي بدي قولها يمكن يكون فيها إساءة وتوهين للاسلام وعوائل الشهداء والمجاهدين فبدنا نعمل الف حساب

اللي عم يصير هلق

اولا تشويه الصورة وضرب النموذج

محمد بن سلمان يعترف انه دافع 20 مليار دولار

فيلتمان دافع كذا مليار دولار 2006

ديفيد هيل عشرة مليار دولار

كل هالصرف على وسائل التواصل الاجتماعي والاعلام من أجل التضليل الاعلامي

▪️ العنوان الاخير : الحرب الاقتصادية

يتطلب انو نحط أطر مواجهة

أولا ما فينا نقول انو ما فينا نعمل شي وما منقدر .. لا منقدر وعم نعمل مثلا مشروع السجاد ويمكن لاحقا مشاريع منتجة .

البنزين والمازوت انا وعدت بس كنت واضح اذا الدولة ما قدرت تأمن هالمادة .

ونجيب من ايران مش قصة سهلة بدك تعمل عقود هونيك مع الدولة وبدك تجيب الباخرة وبتوصل او ما بتوصل (إسرائيل) واذا وصلت بتقبل الدولة او لا واذا فاتت بتقبى اشكالية التهريب والجشع .

نحنا هلق بدنا نعمل حساب المازوت خصوصا للوقاية من برد الشتاء القادم وانا بعتت الاخوان عإيران ، وبوقت قريب قريب ان شاء الله بدنا نفوت بنزين ومازوت عالبلد اما من البحر أو من البر …

ومش معلوم بأي سعر لان مش معلوم اذا حيبقى الدعم لكن اكيد بدك تحاول تكسر سعر السوق خصوصا المازوت عشان الشتاء .

قامت القيامة عالدواء الإيراني .. يروحوا يبلطو البحر أنا شخصيا ما عندي أي تأثر نفسي بالحملات الاعلامية يلي بيعملوها . إيران رائدة بالطب والدواء وهي من الدول التي أنتجت لقاح ومع هيك هاجمو الدواء الإيراني
طيب إذا الدواء الإيراني سم ما تشربوه …

الشي يلي حنقدر نعملو حنعملو لنخفف المعاناة لكن يجب :

أولا : ما بدنا نتحمل ما لا نستطيع وما منقدر نكون بديل عن الدولة

ثانيا : لازم الناس تروح عالقناعة وتغيير نمط العيش

ثالثا : التكافل الاجتماعي

رابعا : بدنا نشتغل ونركز على الموضوع الزراعي والصناعي ، بدنا يصير عنا إنتاج.

https://www.raialyoum.com/index.php/%d8%b1%d8%a7%d9%8a-%d8%a7%d9%84%d9%8a%d9%88%d9%85-%d8%aa%d9%86%d8%b4%d8%b1-%d8%a7%d9%84%d9%86%d8%b5-%d8%a7%d9%84%d8%ad%d8%b1%d9%81%d9%8a-%d9%84%d9%84%d9%82%d8%a7%d8%a1-%d8%a7%d9%84%d8%b3%d9%8a/