jameela
09-06-2019, 02:01 PM
في الفترة الأخيرة لاقينا أنه الكتب اللي مكتوبة من الأمهات وللأمهات زادت بشكل ملحوظ، وده خلانا نعمل تقرير سريع عن أشهر الكتب إللي ممكن تناسب الأمهات خصوصًا الأمهات الجداد..تعالوا معانا!
أم فريدة
كتاب أم فريدة من تأليف بسمة السباعي، هو عبارة عن مقالات متنوعة بتتكلم عن مواقف كتير بيعشيها المتجوزين مع ولادهم وحكايات شخصية مرّت بيها الكاتبة كأم..الكتاب بيطرح سوال مهم: هل هنستريح لما نكبّر ولادنا ونجوزّهم ولا هنفضل شايلين أعباءهم على طول؟
الكتاب سعره 30 جنيه وهو صادر عن دار نهضة مصر ومتوفر في المكتبات الكبيرة زي مكتبة أ والشروق وفيرجن ميجا ستورز.
أنا وطفلي والطبيب
أنا وطفلي والطبيب من تأليف دكتور الأطفال الشهير إبراهيم شكري، هو عبارة عن خلاصة سنين من الخبرة العملية، كتبه المؤلف مخصوص للأم علشان يكون مرجع ليها في أمور كتير خاصة بحياة طفلها والعناية بيه، وتنشئته وتربيته تربية السليمة، وكمان الكتاب بيعرّف الأم معلومات كتير عن الأمراض اللي ممكن يصاب بيها ابنها. من عيوب الكتاب أنه مش بيتحدّث بالشكل الكافي اللي يضمن أنه المعلومات هتكون جديدة وعلى الرغم من كدة فالكتاب مفيد جدًا وهو بيتباع بسعر 68 ومن إصدارات دار الشروق وطبعًا متوفر في كل مكتباتها.
اعرف طفلك وعلّم عليه
الكتاب ده للكاتبة نهى الجندي يعتبر من الكتب القوية للأمهات من وجهة نظرنا، نظرًا لأنه كاتبته من الكاتبات المتخصصات في الكتابة عن الأم والطفل في واحد من المواقع الشهيرة وده اللي بيخلّي الكتاب مليان معلومات مفيدة مبنية على قراءات وبيخلينا نصنفه ككتاب تنمية ذاتية أو Self Help أكتر منه كتاب حكي ذاتي زي كتب تانية في المجال ده على الرغم من أنه مليان حكايات ومواقف كتير للكاتبة مع بنتها.
الكتاب بيتناول موضوعات عن الطفل من أول الولادة وحتى سن الحضانة مرورًا بتفاصيل الأساليب التربوية والأكل والشرب والحاجات المفيدة اللي تشتريها الأم، وكمان الكتاب بيكسر أنماط كتير تقليدية في التربية وبيتكلم بشكل واقعي مناسب لجيل الشباب بعيدًا عن نصائح الجدات الحالمة.
الكتاب متوفر في المكتبات الكبيرة زي “أ” والشروق وفيرجن ميجاستورز وهو بسعر28 جنيه ومن اصدارات دار الشروق.
كتاب دكتور سبوك لرعاية الطفل
من الكتب القديمة إللي أجيال كاملة اعتمدت عليها كمرجع في تربية الأولاد وعلشان كدة دار نشر نهضة مصر اهتمت إنها تنشر النسخة العربي المنقحة والمطّورة من الكتاب ده بسعر 72 جنيه .
الكتاب يعتبر مرجع شامل عن تربية الأولاد بشكل صحي نفسيًا وجسديًا من الولادة ولحد مرحلة المراهقة.
الكتاب بيقدم موضوعات جديدة للأمهات زي مواجهة الكوارث، ومرض التوحد، والتخطيط لدخول المدرسة والجامعة، وده بالإضافة للموضوعات المهمة دي :
• الرضاعة الطبيعية، آخر الأبحاث، التوجهات والأساليب.
• الرعاية الطبية في شكل سؤال وجواب.
• الكلام مع الطفل عن الأمراض.
• التطعيمات، الفيتامينات والتغذية.
• التعلم، اضطرابات السلوك والمشاكل الصحية.
• العناية بالأسنان والعينين.
• الإسعافات الأولية ومنع الإصابات
أم في مهمة
الكتاب ده من الكتب الخفيفة إللي فيها معلومات مقدمة بشكل سلسل من غير تعقيد ولا وجع دماغ، مناسب للأمهات الجداد لأنه بيكلم عن البيبي من أول الولادة لحد ما يتفطم، وهو عبارة عن قصص ومواقف مرت بيها الكاتبة مع ذكر المعلومات والتفاصيل إللي كانت بتعرفها من الدكتور أو من خلال قراءاتها المتنوعة. الكتاب من تأليف سارة البدري، سعره 25 جنيه وهو من إصدار دار الرواق للنشر والتوزيع ومتوفر في المكتبات الكبيرة.
أم فريدة
كتاب أم فريدة من تأليف بسمة السباعي، هو عبارة عن مقالات متنوعة بتتكلم عن مواقف كتير بيعشيها المتجوزين مع ولادهم وحكايات شخصية مرّت بيها الكاتبة كأم..الكتاب بيطرح سوال مهم: هل هنستريح لما نكبّر ولادنا ونجوزّهم ولا هنفضل شايلين أعباءهم على طول؟
الكتاب سعره 30 جنيه وهو صادر عن دار نهضة مصر ومتوفر في المكتبات الكبيرة زي مكتبة أ والشروق وفيرجن ميجا ستورز.
أنا وطفلي والطبيب
أنا وطفلي والطبيب من تأليف دكتور الأطفال الشهير إبراهيم شكري، هو عبارة عن خلاصة سنين من الخبرة العملية، كتبه المؤلف مخصوص للأم علشان يكون مرجع ليها في أمور كتير خاصة بحياة طفلها والعناية بيه، وتنشئته وتربيته تربية السليمة، وكمان الكتاب بيعرّف الأم معلومات كتير عن الأمراض اللي ممكن يصاب بيها ابنها. من عيوب الكتاب أنه مش بيتحدّث بالشكل الكافي اللي يضمن أنه المعلومات هتكون جديدة وعلى الرغم من كدة فالكتاب مفيد جدًا وهو بيتباع بسعر 68 ومن إصدارات دار الشروق وطبعًا متوفر في كل مكتباتها.
اعرف طفلك وعلّم عليه
الكتاب ده للكاتبة نهى الجندي يعتبر من الكتب القوية للأمهات من وجهة نظرنا، نظرًا لأنه كاتبته من الكاتبات المتخصصات في الكتابة عن الأم والطفل في واحد من المواقع الشهيرة وده اللي بيخلّي الكتاب مليان معلومات مفيدة مبنية على قراءات وبيخلينا نصنفه ككتاب تنمية ذاتية أو Self Help أكتر منه كتاب حكي ذاتي زي كتب تانية في المجال ده على الرغم من أنه مليان حكايات ومواقف كتير للكاتبة مع بنتها.
الكتاب بيتناول موضوعات عن الطفل من أول الولادة وحتى سن الحضانة مرورًا بتفاصيل الأساليب التربوية والأكل والشرب والحاجات المفيدة اللي تشتريها الأم، وكمان الكتاب بيكسر أنماط كتير تقليدية في التربية وبيتكلم بشكل واقعي مناسب لجيل الشباب بعيدًا عن نصائح الجدات الحالمة.
الكتاب متوفر في المكتبات الكبيرة زي “أ” والشروق وفيرجن ميجاستورز وهو بسعر28 جنيه ومن اصدارات دار الشروق.
كتاب دكتور سبوك لرعاية الطفل
من الكتب القديمة إللي أجيال كاملة اعتمدت عليها كمرجع في تربية الأولاد وعلشان كدة دار نشر نهضة مصر اهتمت إنها تنشر النسخة العربي المنقحة والمطّورة من الكتاب ده بسعر 72 جنيه .
الكتاب يعتبر مرجع شامل عن تربية الأولاد بشكل صحي نفسيًا وجسديًا من الولادة ولحد مرحلة المراهقة.
الكتاب بيقدم موضوعات جديدة للأمهات زي مواجهة الكوارث، ومرض التوحد، والتخطيط لدخول المدرسة والجامعة، وده بالإضافة للموضوعات المهمة دي :
• الرضاعة الطبيعية، آخر الأبحاث، التوجهات والأساليب.
• الرعاية الطبية في شكل سؤال وجواب.
• الكلام مع الطفل عن الأمراض.
• التطعيمات، الفيتامينات والتغذية.
• التعلم، اضطرابات السلوك والمشاكل الصحية.
• العناية بالأسنان والعينين.
• الإسعافات الأولية ومنع الإصابات
أم في مهمة
الكتاب ده من الكتب الخفيفة إللي فيها معلومات مقدمة بشكل سلسل من غير تعقيد ولا وجع دماغ، مناسب للأمهات الجداد لأنه بيكلم عن البيبي من أول الولادة لحد ما يتفطم، وهو عبارة عن قصص ومواقف مرت بيها الكاتبة مع ذكر المعلومات والتفاصيل إللي كانت بتعرفها من الدكتور أو من خلال قراءاتها المتنوعة. الكتاب من تأليف سارة البدري، سعره 25 جنيه وهو من إصدار دار الرواق للنشر والتوزيع ومتوفر في المكتبات الكبيرة.