طائر
03-17-2019, 11:55 PM
https://alqabas.com/wp-content/uploads/2018/03/%D8%B1%D9%88%D8%A7%D8%A8%D9%8A-%D8%A7%D9%84%D8%A8%D9%86%D8%A7%D9%8A66.jpg
فاتنات المباركية!
روابي البناي
16 مارس، 2019
صبحكم الله بالخير والنور والكرامة الغاليين، مبروك نقولها حق الأخوة اللي فازوا بالتسمت على الكراسي الخضر أمس، وان شاء الله يكونون عون وسند حق اخوانهم أعضاء المجلس، ويجتمعون على الخير ومصلحة الكويت اللي الكل والجميع يتطلع لها، وان شاء الله يكونون من موديل اللي يترسون الكرسي مو الكرسي اللي يترسهم، آمين يارب العالمين.
اليوم، الله يسلمكم، هذرتي اصنفها انها وايد مزعجه ووايد مو هينة، ووايد لازم ان نلقى لها دبره، لأنها تخص نماين مهمتهم تشويه صورة الكويت وخراب بيوتها، وتدوده رياييلها ورفع ضغط حريمها.
مالكم بالطويلة ببدى بالهذرة على طول لأن مثل ما يقولون «قلبي متروس».
المباركية يا ولد الحجية!
ما يحتاج اسولف عن حلاة التمشي بالمباركية بهالجو اللي يرد الروح، خاصة حزة المسيان، ولمن تكون روحة المباركية مع الصحبة الصالحة اللي السوالف معاها غير، والشراحة والنفاهه تارسه الويوه، وفعلا هذا كان حالي مع جماعة ما تخيرون عنكم من شراحتهم وسوالفهم اللي اتييب العافية، وكان معانا ضيفتين من دار الحي اللي اول ما اوصلوا قالوا روابي متى نروح المباركية؟ نبي انتمشى ونبي انتقهوى ونبي ناكل شاورما الدياي اللي الدهن يقطر منها، بس ودج تاكلين اصابيعج من نطاعتها، فقلت لهم خلاص انصلي العشا وانعين من الله خير ونتوكل عليه، ونلبس ابشوتنا ونروح المباركية، وفعلا ما صارت الساعة سبع ونص ولا احنا بمواقف سوق المناخ.
طبعا احنا نازلين والابتسامة شاقه ويوهنا من الأناسة، لأن مثل ما يعرف اهل الكويت المباركية لها نكهة خاصة جدا، لأنها مع محاولة البعض تحويلها الى صالحية وافينيو بس بطابع محلي، إلا انها للحين صامدة وللحين قاعدة اتعابل واتحارب علشان اتحافظ على هويتها، المهم مالكم بالطويلة، نزلنا وقررنا نقعد في بيت احمد علشان نستمتع بأكل خبز الخمير والحمسات اللي تقول حق السوشي وربعه اخدوا كتر الله يعافيكم.
وعقب ما تعشينا وعدلنا الراس بجم استكانة شاي خذينا دربنا وبدينا رحلة التمشى علشان انكفر عن الجريمة اللي سويناها بحق ابطونه اللي، خنت حيلي، ما وهلناهم ولا عطينا لهم فرصة يقولون يا جماعة الخير لحظة خل انتفاهم، من كثر اللف اللي لفيناه.
عطونا الله يعطيكم!
واحنا نتمشى جلبت فينا وحده ماشاء الله تبارك الرحمن، الويه تقول صورة، على قولة اغنية بنت الميخ كاشخة بهذيج العباة اللي ترهش من اللمعة اللي فيها، مغير لاحقتنا وتهذر وتقول: الله يوفقكم والله يرزقكم الزوج الحلو الغني، والله يطول بعمركم وماكو دعوه ما دعتها، الصراحة انا صرت بنص اهدومي جدام زوارنا من دار الحي، لأن منظرها كلش مو حلو ولا المفروض انه يكون بديرة مثل الكويت، فقلت لها خلاص الله يعطيج، بس الأخت ام ويه مسموت ابد تقولون لزقة عنزروت، وطول رحلة المشي واهي اتقص واتعد وتقول المأساة اللي اهي فيها، والحالة الكسيفه اللي فيها اهلها، وعلشان افتك فجيت جنطتي وعطيتها المقسوم، جان تعطيني هذيج النظرة اللي مالها ترجمة غير هذا اللي قدرج ربج عليه؟
المهم كملنا مسيرتنا في ربوع المباركية، واحنا واقفين نشتري كيك بوسفينه، ولا الأخت ام عباة ترهش وويه مسموت امجلبه بريال قاعد يشوف مسابيح معاه رفيجه، بس طبعا الويه اللي كانت تطلب فيه واهي يمنا يختلف مليون مره عن الويه اللي تطلب فيه من الريال.
عاد انا ما قدرت ما ابلغ شفى واشوف هذي اشقاعده اتهذر على الريال اللي كل ما فيه يبتسم من الأناسه اللي اهو فيها، وقلوب الحب اللي تتطاير من عويناته، ولما قربت لقيتها تتنهوص ومغير تؤبرني وربي يخليك، طبعا بتنهوص غير النبره والصوت اللي كانت اتكلمني فيه واللي حسستني انها خلاص على وشك الانهيار.
عصـــابة حمادة وتوتو!
وطبعا صاحبنا بو المسابيح، خنت حيلي، وايد حنون ووايد يحب يسوي خير، فطلع بوكه من مخباته وعطاها النوط الأزرق وعقب سجل تيلفونه لها، عاد انتو عارفين شنهي تكملة القصة اللي ماراح تطلع من شيين إما إمام المسجد يكون الملاج عقب أسبوع، ولا بو المسابيح يسافر يروح الضيعه ياخذها.
المقصد ان هالعصابات اللي اتعرف متى اتوقت انها تزور وطن النهار بكروت الزياره اللي يطلعونها لهم اهلهم، واللي على حبلهم واللي يكونون امجهزين السيناريو حق فيلم النصب والبوق لهم، ليش محد يوقفهم عند حدهم، لأن كل سنة قبل لا يهل علينا اهلال الشهر الفضيل نلقى فيلم العصابات النسائية يعرض في ليالي الشهر الفضيل بكل داعوس وفريج بوطني الغالي، فهالعصابات النسائية واللي لاحظ وجودها وايد ناس هالأيام، يتمركزون عند المساجد والجمعيات والأسواق، وهالأيام اشوفهم بتطور مستمر لأنهم اوصلوا لبيبان بعض الدواوين، لأنهم يدرون ان الكويتيين اهل خير وينكسر خاطرهم بسرعة، فما بالك لما توقف أمامهم واحدة «تتنهوص» وتنزل لها جم دمعة؟
يمكن الحين بعضكم يقول: روابي حرام عليج لا تقسين عليهم، كفاية الحاجة اللي اهم فيها، ودي اقول لكم والله انتو اللي مساكين، لأنكم ما تدرون هالطرارات الفاتنات اغنى مني ومنكم، وان الهدف من وجودهم عندكم هالأيام ما هو علشان الدينار ولا الخمسة ولا العشرة اللي تعطونهم اياها، هذيلة هدفهم يبوقون رياييلكم ويصيرون شرايجكم، وعقب جم سنة يصير حالها من حالكم، لأنها راح تصير كويتية بحكم القانون، عقب ابي اشوف منهو اللي يكسر الخاطر.
فأنا كمواطنة اشوف ان من الجرم بحق الكويت واهلها نظل ساكتين لوجود مثل هذا المنظر الغير حضاري، واللي يحتاج تدخل سريع من قبل الجهات المسؤولة التي أتمنى ان تصحو من نومة اهل الكهف اللي نايمينها، ويلقون لنا حل مع هالطرارات، لأن انتشارهم بهذا الشكل المخيف واللي أعطى منظر غير حضاري للبلد يعتبر خطر اجتماعي وسياسي، لأننا ندري عدل ومتأكدين من وين «لفوا» هالطرارات وشنو هدفهم؟
وأرد واكرر: ترا الهدف من وجود فاتنات المباركية والسالمية وغيرهم ما هو البيزات اللي بالمخابي، لا والله هدفهم اهو التزبر
بالكويت ليمن عقب ما ينتهي كرت الزيارة، وبمعنى أصح مكوث أبدي، وطبعا المكوث الأبدي ما يكون إلا عن طريقين، إما أن الله ياخذ امانتهم ويرتاحون ويريحون ويدفنونهم بالكويت، او يدشون القفص الذهبي ويتزوجون كويتي، علشان جذي تلقاهم يتقصعون ويتنهوصون عند الدواوين ويسوون فيلم على اساس انهم مساكين وما عندهم «املبى»، وطبعا انا ماله داعي اسولف لكم عن نخوة وشهامة وطيبة الريال الكويتي، اللي قلبه ضعيف وما يتحمل يشوف دمعة مسكين، الا ولزوم عليه يمسحها، خاصة اذا كانت هذه المسكينة وحدة بيضة وخدودها مسموته وتقطر من كثر الدم اللي فيها ومنفوخه من الله، فتلقاه يقط الأكو والماكو علشانها، وعقب جم ارمضان تصير هذه الطرارة اللي تنهوصت وتعنفصت حالها من حالنا وهذا اللي يبط الجبد ويفقع المرارة.
قلت اللي عندي ووصلت الرسالة، وان شاء الله المسؤولين يستوعبون الخطر الاجتماعي والمنظر الغير حضاري اللي يعاني منه وطن النهار، بسبب وجود هالعصابات النسائية، وإن كان فيهم احد صاحب حاجة ما اتوقع اكو اكثر من الجمعيات الخيرية بوطن النهار، واللي خيرها يغطي عين الشمس وما ترد احد كلش، فيعني مالهم أي حجة ولا ذريعة علشان يتفرفرون بالأسوقة ويشبصون بالرياييل.
روابي البناي
@rawabialqabas
https://alqabas.com/wp-content/uploads/2019/03/14-5.jpg
https://alqabas.com/645973/
فاتنات المباركية!
روابي البناي
16 مارس، 2019
صبحكم الله بالخير والنور والكرامة الغاليين، مبروك نقولها حق الأخوة اللي فازوا بالتسمت على الكراسي الخضر أمس، وان شاء الله يكونون عون وسند حق اخوانهم أعضاء المجلس، ويجتمعون على الخير ومصلحة الكويت اللي الكل والجميع يتطلع لها، وان شاء الله يكونون من موديل اللي يترسون الكرسي مو الكرسي اللي يترسهم، آمين يارب العالمين.
اليوم، الله يسلمكم، هذرتي اصنفها انها وايد مزعجه ووايد مو هينة، ووايد لازم ان نلقى لها دبره، لأنها تخص نماين مهمتهم تشويه صورة الكويت وخراب بيوتها، وتدوده رياييلها ورفع ضغط حريمها.
مالكم بالطويلة ببدى بالهذرة على طول لأن مثل ما يقولون «قلبي متروس».
المباركية يا ولد الحجية!
ما يحتاج اسولف عن حلاة التمشي بالمباركية بهالجو اللي يرد الروح، خاصة حزة المسيان، ولمن تكون روحة المباركية مع الصحبة الصالحة اللي السوالف معاها غير، والشراحة والنفاهه تارسه الويوه، وفعلا هذا كان حالي مع جماعة ما تخيرون عنكم من شراحتهم وسوالفهم اللي اتييب العافية، وكان معانا ضيفتين من دار الحي اللي اول ما اوصلوا قالوا روابي متى نروح المباركية؟ نبي انتمشى ونبي انتقهوى ونبي ناكل شاورما الدياي اللي الدهن يقطر منها، بس ودج تاكلين اصابيعج من نطاعتها، فقلت لهم خلاص انصلي العشا وانعين من الله خير ونتوكل عليه، ونلبس ابشوتنا ونروح المباركية، وفعلا ما صارت الساعة سبع ونص ولا احنا بمواقف سوق المناخ.
طبعا احنا نازلين والابتسامة شاقه ويوهنا من الأناسة، لأن مثل ما يعرف اهل الكويت المباركية لها نكهة خاصة جدا، لأنها مع محاولة البعض تحويلها الى صالحية وافينيو بس بطابع محلي، إلا انها للحين صامدة وللحين قاعدة اتعابل واتحارب علشان اتحافظ على هويتها، المهم مالكم بالطويلة، نزلنا وقررنا نقعد في بيت احمد علشان نستمتع بأكل خبز الخمير والحمسات اللي تقول حق السوشي وربعه اخدوا كتر الله يعافيكم.
وعقب ما تعشينا وعدلنا الراس بجم استكانة شاي خذينا دربنا وبدينا رحلة التمشى علشان انكفر عن الجريمة اللي سويناها بحق ابطونه اللي، خنت حيلي، ما وهلناهم ولا عطينا لهم فرصة يقولون يا جماعة الخير لحظة خل انتفاهم، من كثر اللف اللي لفيناه.
عطونا الله يعطيكم!
واحنا نتمشى جلبت فينا وحده ماشاء الله تبارك الرحمن، الويه تقول صورة، على قولة اغنية بنت الميخ كاشخة بهذيج العباة اللي ترهش من اللمعة اللي فيها، مغير لاحقتنا وتهذر وتقول: الله يوفقكم والله يرزقكم الزوج الحلو الغني، والله يطول بعمركم وماكو دعوه ما دعتها، الصراحة انا صرت بنص اهدومي جدام زوارنا من دار الحي، لأن منظرها كلش مو حلو ولا المفروض انه يكون بديرة مثل الكويت، فقلت لها خلاص الله يعطيج، بس الأخت ام ويه مسموت ابد تقولون لزقة عنزروت، وطول رحلة المشي واهي اتقص واتعد وتقول المأساة اللي اهي فيها، والحالة الكسيفه اللي فيها اهلها، وعلشان افتك فجيت جنطتي وعطيتها المقسوم، جان تعطيني هذيج النظرة اللي مالها ترجمة غير هذا اللي قدرج ربج عليه؟
المهم كملنا مسيرتنا في ربوع المباركية، واحنا واقفين نشتري كيك بوسفينه، ولا الأخت ام عباة ترهش وويه مسموت امجلبه بريال قاعد يشوف مسابيح معاه رفيجه، بس طبعا الويه اللي كانت تطلب فيه واهي يمنا يختلف مليون مره عن الويه اللي تطلب فيه من الريال.
عاد انا ما قدرت ما ابلغ شفى واشوف هذي اشقاعده اتهذر على الريال اللي كل ما فيه يبتسم من الأناسه اللي اهو فيها، وقلوب الحب اللي تتطاير من عويناته، ولما قربت لقيتها تتنهوص ومغير تؤبرني وربي يخليك، طبعا بتنهوص غير النبره والصوت اللي كانت اتكلمني فيه واللي حسستني انها خلاص على وشك الانهيار.
عصـــابة حمادة وتوتو!
وطبعا صاحبنا بو المسابيح، خنت حيلي، وايد حنون ووايد يحب يسوي خير، فطلع بوكه من مخباته وعطاها النوط الأزرق وعقب سجل تيلفونه لها، عاد انتو عارفين شنهي تكملة القصة اللي ماراح تطلع من شيين إما إمام المسجد يكون الملاج عقب أسبوع، ولا بو المسابيح يسافر يروح الضيعه ياخذها.
المقصد ان هالعصابات اللي اتعرف متى اتوقت انها تزور وطن النهار بكروت الزياره اللي يطلعونها لهم اهلهم، واللي على حبلهم واللي يكونون امجهزين السيناريو حق فيلم النصب والبوق لهم، ليش محد يوقفهم عند حدهم، لأن كل سنة قبل لا يهل علينا اهلال الشهر الفضيل نلقى فيلم العصابات النسائية يعرض في ليالي الشهر الفضيل بكل داعوس وفريج بوطني الغالي، فهالعصابات النسائية واللي لاحظ وجودها وايد ناس هالأيام، يتمركزون عند المساجد والجمعيات والأسواق، وهالأيام اشوفهم بتطور مستمر لأنهم اوصلوا لبيبان بعض الدواوين، لأنهم يدرون ان الكويتيين اهل خير وينكسر خاطرهم بسرعة، فما بالك لما توقف أمامهم واحدة «تتنهوص» وتنزل لها جم دمعة؟
يمكن الحين بعضكم يقول: روابي حرام عليج لا تقسين عليهم، كفاية الحاجة اللي اهم فيها، ودي اقول لكم والله انتو اللي مساكين، لأنكم ما تدرون هالطرارات الفاتنات اغنى مني ومنكم، وان الهدف من وجودهم عندكم هالأيام ما هو علشان الدينار ولا الخمسة ولا العشرة اللي تعطونهم اياها، هذيلة هدفهم يبوقون رياييلكم ويصيرون شرايجكم، وعقب جم سنة يصير حالها من حالكم، لأنها راح تصير كويتية بحكم القانون، عقب ابي اشوف منهو اللي يكسر الخاطر.
فأنا كمواطنة اشوف ان من الجرم بحق الكويت واهلها نظل ساكتين لوجود مثل هذا المنظر الغير حضاري، واللي يحتاج تدخل سريع من قبل الجهات المسؤولة التي أتمنى ان تصحو من نومة اهل الكهف اللي نايمينها، ويلقون لنا حل مع هالطرارات، لأن انتشارهم بهذا الشكل المخيف واللي أعطى منظر غير حضاري للبلد يعتبر خطر اجتماعي وسياسي، لأننا ندري عدل ومتأكدين من وين «لفوا» هالطرارات وشنو هدفهم؟
وأرد واكرر: ترا الهدف من وجود فاتنات المباركية والسالمية وغيرهم ما هو البيزات اللي بالمخابي، لا والله هدفهم اهو التزبر
بالكويت ليمن عقب ما ينتهي كرت الزيارة، وبمعنى أصح مكوث أبدي، وطبعا المكوث الأبدي ما يكون إلا عن طريقين، إما أن الله ياخذ امانتهم ويرتاحون ويريحون ويدفنونهم بالكويت، او يدشون القفص الذهبي ويتزوجون كويتي، علشان جذي تلقاهم يتقصعون ويتنهوصون عند الدواوين ويسوون فيلم على اساس انهم مساكين وما عندهم «املبى»، وطبعا انا ماله داعي اسولف لكم عن نخوة وشهامة وطيبة الريال الكويتي، اللي قلبه ضعيف وما يتحمل يشوف دمعة مسكين، الا ولزوم عليه يمسحها، خاصة اذا كانت هذه المسكينة وحدة بيضة وخدودها مسموته وتقطر من كثر الدم اللي فيها ومنفوخه من الله، فتلقاه يقط الأكو والماكو علشانها، وعقب جم ارمضان تصير هذه الطرارة اللي تنهوصت وتعنفصت حالها من حالنا وهذا اللي يبط الجبد ويفقع المرارة.
قلت اللي عندي ووصلت الرسالة، وان شاء الله المسؤولين يستوعبون الخطر الاجتماعي والمنظر الغير حضاري اللي يعاني منه وطن النهار، بسبب وجود هالعصابات النسائية، وإن كان فيهم احد صاحب حاجة ما اتوقع اكو اكثر من الجمعيات الخيرية بوطن النهار، واللي خيرها يغطي عين الشمس وما ترد احد كلش، فيعني مالهم أي حجة ولا ذريعة علشان يتفرفرون بالأسوقة ويشبصون بالرياييل.
روابي البناي
@rawabialqabas
https://alqabas.com/wp-content/uploads/2019/03/14-5.jpg
https://alqabas.com/645973/