مصري بس كويس
02-01-2016, 12:13 AM
http://www.za2ed18.com/wp-content/uploads/2015/12/ramiyehiah-290x201.jpg
الكاتب : رامي يحيى
واضح كده أن حالة العبث والهلفطة مش مقتصرة على السيرك العبثي المسمى بالسياسة المصرية، وإنما الحالة الخزعبلية دي بقت سمة من سمات الشرق البائس أو الأوسط كما يحلو للبعض تسميته، الملفت كمان هو أرتباط العبث الإقليمي بمملكة آل سعود، فمثلا مؤخرا تم انتخاب مندوب مملكة آل سعود في الأمم المتحدة، فيصل طراد رئيسا للجنة الخبراء المستقلين بمجلس حقوق الإنسان، والمنصب ده بيمنحه حق اختيار المتقدمين من حول العالم لأداء دور الخبير في الدول التي تراقب فيها الأمم المتحدة أوضاع حقوق الإنسان، آه والنعمة حقوق الإنسان.
ممكن الخبر ده يكون عادي لأي كائن جاي يزورنا من أي مجرة شقيقة، لكن أي كائن زار درب التبانة ولو مرة واحدة، أكيد هيتعامل مع الخبر ده بوصفه فقرة كوميدية.
فمبدئيا وقبل ما ندخل في التفاصيل، قانون العقوبات بمملكة آل سعود ينص على عقوبات مثل الجلد وقطع اليد والرجم والإعدام بحد السيف، وكل الأحكام دي في حالة تنفيذها بتتم على الملأ، المرأة في مملكة آل سعود محظور عليها سواقة العربيات ولسه حاصلة على حق الانتخاب من كام يوم، مملكة آل سعود تتميز بقضاء شديد الرجعية وأحكامه بتنتهك بديهيات الإنسانية، فمثلا صدر الحكم ضد المدون رائف بدوي بالسجن 10 سنين وألف جلدة وبغرامة مالية كبيرة بتهم تخص الإيمان الديني، وفي الأساس السبب هو معارضته عن طريق الكتابة لسلطة هيئة الأمر بالمعروف والنهي عن المنكر، كل ده يادوب سنة 2012.
نفس السنة اللي اتحاكم فيها معارض تاني هو الشيخ نمر باقر نمر، بس ده تطاول بقى ووجه معارضته لآل سعود نفسهم، العائلة اللي الدولة كلها متسمية على اسم كبيرهم، فصدر الحكم بإعدامه، وكمان أتقبض على ابن أخوه طالب الثانوي محمد علي النمر، وهو كمان اتحكم عليه بالإعدام، وتقريبا نفس اللجنة اللي أًنتخبت طراد سبق وتقدمت وطالبت حكومة آل سعود بإلغاء حكم الإعدام ضد الطالب، لكن الحكومة رفضت.
أظن أن رصد تجليات عداء آل سعود مع الإنسانية كفكرة أمر يلزمه مجلدات ضخمة، كفاية إن وقت كتابة السطور دي بيتم قصف الشعب اليمني بطيران جيش آل سعود ومن والاهم، وبالمصادفة كمان دوناتيلا روفيرا، رئيس فريق تقصي الحقائق في اليمن، صرحت أن الغارات الجوية للتحالف اللي بيقوده آل سعود أرتكب فظائع توصل لمستوى جرائم الحرب، وهي الحرب اللي بيخوضها آل سعود بحجة حماية الديمقراطية باليمن، مع العِلّم أن دولة آل سعود نظامها ملكي ومالهاش دستور، طبعا مش بدافع عن جماعة فاشية مسلحة زي جماعة الحوثي، إنما بوضح الدور اللي بيلعبه آل سعود في اليمن والغطاء الكوميدي اللي بيقدموه للمجتمع الدولي، اللي بيطرمخ عادي جدا، زي ما هو مطرمخ على نظام الكفيل اللي طبقًا للإعلان العالمي لحقوق الإنسان يعتبر شكل من أشكال الرِق، وبيقبل التهريج ده على إنه غطاء قانوني وشرعي لتدخل آل سعود في اليمن.
الفاصل الكوميدي التاني اللي بيقدمه آل سعود هي حرب تانية، آه.. فجأة آل سعود أفتكروا إنهم تالت أعلى إنفاق عسكري في الكوكب، وقرروا يجربوا الحاجات دي بتمشي أزاي وبتضرب منين، فأعلنوا مؤخرا عن تشكيل تحالف إسلامي سُني لمحاربة الإرهاب الإسلامي السُني، اللي مش خفي على حد إن المملكة نفسها متبنية كل الأفكار اللي بيدعوا ليها المتطرفين وبينفذوا أغلبها تحت اسم الشريعة، زي ما ذكرنا قطع اليد والجلد والرجم، ده طبعا غير ضلوع النظام السعودي في تمويل إنشاء وإدارة المدارس والمعاهد اللي بتقوم بنشر الفكر المتطرف في مختلف أنحاء كوكبنا المبتلى.
وبجملة الكوميدية أن التحالف اللي هيقوده آل سعود بيضم دولة زي باكستان، اللي جيشها مسئول عن تأمين الحدود الجنوبية للمملكة من سنين، وكل من الجيش المصري والتركي اللي مصنفين ضمن أكبر عشر جيوش في العالم، وحسب بيان الرياض بيضم التحالف جيوش 34 دولة، وطبعا هتلاقي دول كتير تضحك، زي مثلا الجيش اليمني، اللي من المفترض إنه عاجز عن السيطرة على أراضيه ومحتاج دعم من التحالف الأولاني اللي كنا بنتكلم عنه، وصلي على رسول الله.
وطبعا ده برضه بموافقة ومباركة المجتمع الدولي بقيادة الأمم المتحدة، كراعية للأسرة الدولية المحبة للسلام، المؤسسة العالمية اللي تأسست بمعرفة الدول المنتصرة في الحرب العالمية التانية، على جثث قرابة الستين مليون إنسان، منهم أكتر من رُبع مليون إنسان نتيجة قصف هورشيما ونجازاجي بالقنبلة الذرية، بمعرفة جيش الولايات المتحدة الأمريكية، اللي مدينتها نيويورك هي المقر الدائم للمنظمة العالمية، وعلى فكرة كل ده كلام بيتم التعامل معاه بوصفه شديد الجدية!
http://www.za2ed18.com/%D8%B1%D8%A7%D9%85%D9%8A-%D9%8A%D8%AD%D9%8A%D9%89-%D9%8A%D9%83%D8%AA%D8%A8-%D8%A2%D9%84-%D8%B3%D8%B9%D9%88%D8%AF-%D9%87%D9%8A%D8%AD%D8%A7%D8%B1%D8%A8%D9%88%D8%A7-%D8%A7%D9%84%D8%A5%D8%B1%D9%87%D8%A7/
الكاتب : رامي يحيى
واضح كده أن حالة العبث والهلفطة مش مقتصرة على السيرك العبثي المسمى بالسياسة المصرية، وإنما الحالة الخزعبلية دي بقت سمة من سمات الشرق البائس أو الأوسط كما يحلو للبعض تسميته، الملفت كمان هو أرتباط العبث الإقليمي بمملكة آل سعود، فمثلا مؤخرا تم انتخاب مندوب مملكة آل سعود في الأمم المتحدة، فيصل طراد رئيسا للجنة الخبراء المستقلين بمجلس حقوق الإنسان، والمنصب ده بيمنحه حق اختيار المتقدمين من حول العالم لأداء دور الخبير في الدول التي تراقب فيها الأمم المتحدة أوضاع حقوق الإنسان، آه والنعمة حقوق الإنسان.
ممكن الخبر ده يكون عادي لأي كائن جاي يزورنا من أي مجرة شقيقة، لكن أي كائن زار درب التبانة ولو مرة واحدة، أكيد هيتعامل مع الخبر ده بوصفه فقرة كوميدية.
فمبدئيا وقبل ما ندخل في التفاصيل، قانون العقوبات بمملكة آل سعود ينص على عقوبات مثل الجلد وقطع اليد والرجم والإعدام بحد السيف، وكل الأحكام دي في حالة تنفيذها بتتم على الملأ، المرأة في مملكة آل سعود محظور عليها سواقة العربيات ولسه حاصلة على حق الانتخاب من كام يوم، مملكة آل سعود تتميز بقضاء شديد الرجعية وأحكامه بتنتهك بديهيات الإنسانية، فمثلا صدر الحكم ضد المدون رائف بدوي بالسجن 10 سنين وألف جلدة وبغرامة مالية كبيرة بتهم تخص الإيمان الديني، وفي الأساس السبب هو معارضته عن طريق الكتابة لسلطة هيئة الأمر بالمعروف والنهي عن المنكر، كل ده يادوب سنة 2012.
نفس السنة اللي اتحاكم فيها معارض تاني هو الشيخ نمر باقر نمر، بس ده تطاول بقى ووجه معارضته لآل سعود نفسهم، العائلة اللي الدولة كلها متسمية على اسم كبيرهم، فصدر الحكم بإعدامه، وكمان أتقبض على ابن أخوه طالب الثانوي محمد علي النمر، وهو كمان اتحكم عليه بالإعدام، وتقريبا نفس اللجنة اللي أًنتخبت طراد سبق وتقدمت وطالبت حكومة آل سعود بإلغاء حكم الإعدام ضد الطالب، لكن الحكومة رفضت.
أظن أن رصد تجليات عداء آل سعود مع الإنسانية كفكرة أمر يلزمه مجلدات ضخمة، كفاية إن وقت كتابة السطور دي بيتم قصف الشعب اليمني بطيران جيش آل سعود ومن والاهم، وبالمصادفة كمان دوناتيلا روفيرا، رئيس فريق تقصي الحقائق في اليمن، صرحت أن الغارات الجوية للتحالف اللي بيقوده آل سعود أرتكب فظائع توصل لمستوى جرائم الحرب، وهي الحرب اللي بيخوضها آل سعود بحجة حماية الديمقراطية باليمن، مع العِلّم أن دولة آل سعود نظامها ملكي ومالهاش دستور، طبعا مش بدافع عن جماعة فاشية مسلحة زي جماعة الحوثي، إنما بوضح الدور اللي بيلعبه آل سعود في اليمن والغطاء الكوميدي اللي بيقدموه للمجتمع الدولي، اللي بيطرمخ عادي جدا، زي ما هو مطرمخ على نظام الكفيل اللي طبقًا للإعلان العالمي لحقوق الإنسان يعتبر شكل من أشكال الرِق، وبيقبل التهريج ده على إنه غطاء قانوني وشرعي لتدخل آل سعود في اليمن.
الفاصل الكوميدي التاني اللي بيقدمه آل سعود هي حرب تانية، آه.. فجأة آل سعود أفتكروا إنهم تالت أعلى إنفاق عسكري في الكوكب، وقرروا يجربوا الحاجات دي بتمشي أزاي وبتضرب منين، فأعلنوا مؤخرا عن تشكيل تحالف إسلامي سُني لمحاربة الإرهاب الإسلامي السُني، اللي مش خفي على حد إن المملكة نفسها متبنية كل الأفكار اللي بيدعوا ليها المتطرفين وبينفذوا أغلبها تحت اسم الشريعة، زي ما ذكرنا قطع اليد والجلد والرجم، ده طبعا غير ضلوع النظام السعودي في تمويل إنشاء وإدارة المدارس والمعاهد اللي بتقوم بنشر الفكر المتطرف في مختلف أنحاء كوكبنا المبتلى.
وبجملة الكوميدية أن التحالف اللي هيقوده آل سعود بيضم دولة زي باكستان، اللي جيشها مسئول عن تأمين الحدود الجنوبية للمملكة من سنين، وكل من الجيش المصري والتركي اللي مصنفين ضمن أكبر عشر جيوش في العالم، وحسب بيان الرياض بيضم التحالف جيوش 34 دولة، وطبعا هتلاقي دول كتير تضحك، زي مثلا الجيش اليمني، اللي من المفترض إنه عاجز عن السيطرة على أراضيه ومحتاج دعم من التحالف الأولاني اللي كنا بنتكلم عنه، وصلي على رسول الله.
وطبعا ده برضه بموافقة ومباركة المجتمع الدولي بقيادة الأمم المتحدة، كراعية للأسرة الدولية المحبة للسلام، المؤسسة العالمية اللي تأسست بمعرفة الدول المنتصرة في الحرب العالمية التانية، على جثث قرابة الستين مليون إنسان، منهم أكتر من رُبع مليون إنسان نتيجة قصف هورشيما ونجازاجي بالقنبلة الذرية، بمعرفة جيش الولايات المتحدة الأمريكية، اللي مدينتها نيويورك هي المقر الدائم للمنظمة العالمية، وعلى فكرة كل ده كلام بيتم التعامل معاه بوصفه شديد الجدية!
http://www.za2ed18.com/%D8%B1%D8%A7%D9%85%D9%8A-%D9%8A%D8%AD%D9%8A%D9%89-%D9%8A%D9%83%D8%AA%D8%A8-%D8%A2%D9%84-%D8%B3%D8%B9%D9%88%D8%AF-%D9%87%D9%8A%D8%AD%D8%A7%D8%B1%D8%A8%D9%88%D8%A7-%D8%A7%D9%84%D8%A5%D8%B1%D9%87%D8%A7/