بهلول
07-21-2013, 10:36 PM
ايجى برس - مصر
21 يوليو 2013 م
http://www.egy-press.com/Upimg/EGY_PRESS_IMG11753320135.jpg
عشت جزء كبير من عمري ضابط مباحث ( مخدرات ـرئيس مباحث الجزيرة ـ مكافحة النشل ـمأمور سجن الأدارة العامة لمباحث القاهرة ) وكلها كانت مناصب بها سلطة ليست قليلة ولا أكذب أن بها سلطات تفوق سلطات رئيس الجمهورية ٫٫٫المهم أنه كان من اللذيذ جدا وما كان يضحكني في سري طبعا هم مجموعة المتملقين المتخصصين في نفخ أفكاري من أول لحظة أصل فيها لأستلام العمل وحتي أخر يوم أسلم فيه العهدة وأنفذ النقل للمكان الجديد
والغريب أن هؤلاء المتخصصين موجودين في كل مكان يتم نقلي له وكانوا دائما يحاولون أفهامي ووهمي أنني عبقري المباحث الوحيد وأني ضابط محصلتش وطز في كولمبو جنبي وكل ما نجيب قضية مخدرات ولا سرقة ولا نصب حتي لو متواضعة يفهموني أنها آخطر قضية جت في تاريخ المباحث كلها ٫ وكان المطلوب أني أصدق الكلام ده وأحس أني فلته من فلتات التاريخ مع أني أعرف أني كنت ضابط مثل أي ضابط ويمكن أقل كمان
صدقوني كنت بضحك في سري ومش ممكن أقولهم عيب يا بني آدم الضحك علي عقلي وكنت بسيبهم يزمرو ويطبلو ويهللو وانا ولا في دماغي لأني عارف أمكانياتي المتواضعة
المصيبة مش فيه انا لأني كنت هارشهم وبسيبهم يرقصو ويطبلو ويزمرو وأنا عارف اني لا فلته ولا كوجاك ولا حتي كولمبو لكن المصيبة في الضباط اللي بيصدقوهم وفعلا بيعيشو الدور وبيسيطر عليهم هؤلاء المتملقين لحد ما يودوهم في داهية لأنهم بينفخوهم لحد ما يفرقعو من النفخ لإنهم من كتر الزن علي دماغهم بيصدقوهم
طبعا أنا مش بحكي القصة دي للتسالي ولا بحكي نوادر عفيفي في الداخلية ولا حتي غراميات عفيفي ولكن ليفهمها الشخص المقصود توجيه النصيحة له حتي لا يتم نفخة اكثر من اللازم ويفرقع من النفخ الكداب ولحس الدماغ وسحل الأفكار
طبعا كل القراء أذكياء جدا وعارفين أنا بنصح مين ؟؟؟
عارفينه ؟؟؟ آرجوكم محدش يقول أسمه وخليه في سرك واحتفظ بالبوست ده عشان حفكركم بيه قريب لما الزبون يطرقع من النفخ٫ أو يمكن يقرأ البوست ويبعد هؤلاء المنافيخ المنافقين
21 يوليو 2013 م
http://www.egy-press.com/Upimg/EGY_PRESS_IMG11753320135.jpg
عشت جزء كبير من عمري ضابط مباحث ( مخدرات ـرئيس مباحث الجزيرة ـ مكافحة النشل ـمأمور سجن الأدارة العامة لمباحث القاهرة ) وكلها كانت مناصب بها سلطة ليست قليلة ولا أكذب أن بها سلطات تفوق سلطات رئيس الجمهورية ٫٫٫المهم أنه كان من اللذيذ جدا وما كان يضحكني في سري طبعا هم مجموعة المتملقين المتخصصين في نفخ أفكاري من أول لحظة أصل فيها لأستلام العمل وحتي أخر يوم أسلم فيه العهدة وأنفذ النقل للمكان الجديد
والغريب أن هؤلاء المتخصصين موجودين في كل مكان يتم نقلي له وكانوا دائما يحاولون أفهامي ووهمي أنني عبقري المباحث الوحيد وأني ضابط محصلتش وطز في كولمبو جنبي وكل ما نجيب قضية مخدرات ولا سرقة ولا نصب حتي لو متواضعة يفهموني أنها آخطر قضية جت في تاريخ المباحث كلها ٫ وكان المطلوب أني أصدق الكلام ده وأحس أني فلته من فلتات التاريخ مع أني أعرف أني كنت ضابط مثل أي ضابط ويمكن أقل كمان
صدقوني كنت بضحك في سري ومش ممكن أقولهم عيب يا بني آدم الضحك علي عقلي وكنت بسيبهم يزمرو ويطبلو ويهللو وانا ولا في دماغي لأني عارف أمكانياتي المتواضعة
المصيبة مش فيه انا لأني كنت هارشهم وبسيبهم يرقصو ويطبلو ويزمرو وأنا عارف اني لا فلته ولا كوجاك ولا حتي كولمبو لكن المصيبة في الضباط اللي بيصدقوهم وفعلا بيعيشو الدور وبيسيطر عليهم هؤلاء المتملقين لحد ما يودوهم في داهية لأنهم بينفخوهم لحد ما يفرقعو من النفخ لإنهم من كتر الزن علي دماغهم بيصدقوهم
طبعا أنا مش بحكي القصة دي للتسالي ولا بحكي نوادر عفيفي في الداخلية ولا حتي غراميات عفيفي ولكن ليفهمها الشخص المقصود توجيه النصيحة له حتي لا يتم نفخة اكثر من اللازم ويفرقع من النفخ الكداب ولحس الدماغ وسحل الأفكار
طبعا كل القراء أذكياء جدا وعارفين أنا بنصح مين ؟؟؟
عارفينه ؟؟؟ آرجوكم محدش يقول أسمه وخليه في سرك واحتفظ بالبوست ده عشان حفكركم بيه قريب لما الزبون يطرقع من النفخ٫ أو يمكن يقرأ البوست ويبعد هؤلاء المنافيخ المنافقين