طائر
12-13-2012, 05:36 AM
http://www.annaharkw.com/annahar/Resources/ArticlesPictures/2012/12/13/c7881bae-070b-4fbc-8728-2afaf65a266d_mainNew.jpg
خلوجٍ تجذٍ القلب باتلى عوالها
تكسّر بعبراتٍ تحطم سلالها
تهيض مفجوع الضمير بحسها
إلى طوحت حسه تزايد هجالها
له قلت أنا يا ناق كفى عن البكا
لا تبحثين النفس عما جرى لها
لا تفجعين البال بالله هودّى
ولي خلوجٍ خبث البين بالها
تبكين فرقا بكرةٍ شدة العرب
ضاعت يمين البوش والا شمالها
تجيك يا ناق الخطا أو تجينها
وإن كان ضاعت لك بديلٍ بدالها
لكن أنا اليوم ما تنعد مصاوبي
ولا علتي تبرا ولا ينشكي لها
فلو البكا يا ناق عني يحلها
بكيت بيض أيامها مع ليالها
ولو البكا يا ناق يرجع لغايب
بكيت لين العين ييبس ثمالها
وابكي على الاثنين ما ذعذع الهوا
مدى الدهر لين النفس تلحق زوالها
وابكى على ما صاب نفسي وما جرى
وابكي على فتخان الأيدي. زلالها
وابكي على دارٍ بنينا بربعها
معلوم خشم الرعن من شمالها
ومن شرق طعسين الأرخم تحدها
بين اللوى والسر مطيب سهالها
دارٍ بنجدٍ جنة كان قبل ذا
ومن صكته غير الليلي عنا لها
وصفه من الخفرات بيضا عفيفه
يفوق كل البيض باهر جمالها
حسودها يغضي إلى مر حولها
من خوف عيال تربوا بجالها
حي أمنا واحلو مطعوم درها
غدتنا وربتنا وحنا عيالها
بزور بنا ما مثلها يكرم الضنا
وصول بنا لكن نسينا وصالها
تلقي علينا الجوخ والشال فوقنا
وهي عاريه تبكي ولا أحد بكى لها
ولا أحد جزع من صيحته يوم سبلت
ولا أحد نشد من بعد ذواش جرى لها
قلت آه وا ويلاه ياخيبة الرجا
كيف أمنا تهضم وحنا قبالها
يا طارش من فوق. سراقة الوطا
هميم إلى سارت ذعرها ظلالها
حايل ثمان اسنين ما مس خلفها
ولا بركت للشيل جملة حيالها
إلى بدالي لازم قلت شدها
واضبط عن الفزات مقضب حمالها
ولا تعتني بالخرج ما ذي بحزته
شل قريةٍ واجعل زهابك عدالها
فالى شلت خذلي بالرسن قد ساعه
أبلغك في دق المسايل جلالها
وإلى ختمته بالسلام فحثها
من دار ابوجابر سقى الغيث جالها
أوصيك يا مرسال بالسير والسرى
واحذرك نوم الليل عينك ينالها
إلى سرتها عشر وخمس مغرب
مرواحك الشام منها منالها
وإلى جيت سوق العصر تأتيك غلمه
تخثع بزينات البريسم انعالها
يقولون لك يا صاح عطنا علومك
بلدان نجد عقبنا وش جرى لها؟؟
قل كل بلدان القصيم وغيرها
عن الخوف زاموا دون جاله رجالها
مير داركم من عقبكم تندب الثرى
تبكى على الماضين واعزتالها
ترى مركب الاخطار هو مصعد العلى
ولا يدرك المقصود غير احتمالها
وترى بالسيوف المال والعز والبقا
والجنة الخضرا بخضرة ظلالها
قوموا براى الله واقضوا ديونكم
أنتم هل القالات ما أنتم رذالها
مدام ابوجابر على العز والبقا
عنا ثقيلات الحمول ارتكى لها
الى احترك سبع القبايل تحركت
والى رسى ترسي رواسي جبالها
قوموا برايه ثم راي ابوثامر
ابوكلمة يافي بها حين قالها
عقر الصخا بحر الندى مرهق العدا
لا اشتبت الهيجا تعرفه رجالها
هيج سباع الحرب بالبر والبحر
والشمس تشكي منه عجة ينالها
ومصقلات الهند تدعي له البقا
لولاه كان اصدت بغمده سلالها
نشا مولع بالحرب والضرب ماشكا
والخيل والعيرات تشكي هزالها
من كثر ما مسه على السير والسرى
من كثر ما خاضت مهامه سهالها
قوي باس ما يلين الى مضى
الى ضكته صعب الحمول ارتكى لها
شال الحمول الثقيلة يوم جدعت
عفى زمول جدعتها وشالها
هذا وتم القيل والله به الرجا
وصلوا على المختار ما أهمل خيالها
خلوجٍ تجذٍ القلب باتلى عوالها
تكسّر بعبراتٍ تحطم سلالها
تهيض مفجوع الضمير بحسها
إلى طوحت حسه تزايد هجالها
له قلت أنا يا ناق كفى عن البكا
لا تبحثين النفس عما جرى لها
لا تفجعين البال بالله هودّى
ولي خلوجٍ خبث البين بالها
تبكين فرقا بكرةٍ شدة العرب
ضاعت يمين البوش والا شمالها
تجيك يا ناق الخطا أو تجينها
وإن كان ضاعت لك بديلٍ بدالها
لكن أنا اليوم ما تنعد مصاوبي
ولا علتي تبرا ولا ينشكي لها
فلو البكا يا ناق عني يحلها
بكيت بيض أيامها مع ليالها
ولو البكا يا ناق يرجع لغايب
بكيت لين العين ييبس ثمالها
وابكي على الاثنين ما ذعذع الهوا
مدى الدهر لين النفس تلحق زوالها
وابكى على ما صاب نفسي وما جرى
وابكي على فتخان الأيدي. زلالها
وابكي على دارٍ بنينا بربعها
معلوم خشم الرعن من شمالها
ومن شرق طعسين الأرخم تحدها
بين اللوى والسر مطيب سهالها
دارٍ بنجدٍ جنة كان قبل ذا
ومن صكته غير الليلي عنا لها
وصفه من الخفرات بيضا عفيفه
يفوق كل البيض باهر جمالها
حسودها يغضي إلى مر حولها
من خوف عيال تربوا بجالها
حي أمنا واحلو مطعوم درها
غدتنا وربتنا وحنا عيالها
بزور بنا ما مثلها يكرم الضنا
وصول بنا لكن نسينا وصالها
تلقي علينا الجوخ والشال فوقنا
وهي عاريه تبكي ولا أحد بكى لها
ولا أحد جزع من صيحته يوم سبلت
ولا أحد نشد من بعد ذواش جرى لها
قلت آه وا ويلاه ياخيبة الرجا
كيف أمنا تهضم وحنا قبالها
يا طارش من فوق. سراقة الوطا
هميم إلى سارت ذعرها ظلالها
حايل ثمان اسنين ما مس خلفها
ولا بركت للشيل جملة حيالها
إلى بدالي لازم قلت شدها
واضبط عن الفزات مقضب حمالها
ولا تعتني بالخرج ما ذي بحزته
شل قريةٍ واجعل زهابك عدالها
فالى شلت خذلي بالرسن قد ساعه
أبلغك في دق المسايل جلالها
وإلى ختمته بالسلام فحثها
من دار ابوجابر سقى الغيث جالها
أوصيك يا مرسال بالسير والسرى
واحذرك نوم الليل عينك ينالها
إلى سرتها عشر وخمس مغرب
مرواحك الشام منها منالها
وإلى جيت سوق العصر تأتيك غلمه
تخثع بزينات البريسم انعالها
يقولون لك يا صاح عطنا علومك
بلدان نجد عقبنا وش جرى لها؟؟
قل كل بلدان القصيم وغيرها
عن الخوف زاموا دون جاله رجالها
مير داركم من عقبكم تندب الثرى
تبكى على الماضين واعزتالها
ترى مركب الاخطار هو مصعد العلى
ولا يدرك المقصود غير احتمالها
وترى بالسيوف المال والعز والبقا
والجنة الخضرا بخضرة ظلالها
قوموا براى الله واقضوا ديونكم
أنتم هل القالات ما أنتم رذالها
مدام ابوجابر على العز والبقا
عنا ثقيلات الحمول ارتكى لها
الى احترك سبع القبايل تحركت
والى رسى ترسي رواسي جبالها
قوموا برايه ثم راي ابوثامر
ابوكلمة يافي بها حين قالها
عقر الصخا بحر الندى مرهق العدا
لا اشتبت الهيجا تعرفه رجالها
هيج سباع الحرب بالبر والبحر
والشمس تشكي منه عجة ينالها
ومصقلات الهند تدعي له البقا
لولاه كان اصدت بغمده سلالها
نشا مولع بالحرب والضرب ماشكا
والخيل والعيرات تشكي هزالها
من كثر ما مسه على السير والسرى
من كثر ما خاضت مهامه سهالها
قوي باس ما يلين الى مضى
الى ضكته صعب الحمول ارتكى لها
شال الحمول الثقيلة يوم جدعت
عفى زمول جدعتها وشالها
هذا وتم القيل والله به الرجا
وصلوا على المختار ما أهمل خيالها