قصيده شعبيه مقتدى الصدر وسحب الثقه.....ابو يوسف السماوي

[المراسل]

الأحد 24 يونيو 2012


http://www.4newiraq.com/news/uploaded/1340722350372721573.3.jpg




يستفتون اتباع القائد ويجاوبهم وهو منهار



مشروع سحب الثقه يرضي العزيز الجبار




سحب الثقه امر الهي وانا مُصر عليه اصرار



أنا باربيل كالوا قائد وعليك متوجهه الانظار

وشعبية المالكي تقهرني ومحبينه صارُ أكثار

وشعبيتي وينه وينه مزعطه كلها اصغار

حراميه ومكبسله وبعثيه تجمعت كلها بتيار



عقيلتك سيد مقطاطه تنك على شويه احجار

تحمل هوايه عقد تخربط عليك الافكار

وتذكر ايام الصبا وتذكر عليك الصار

وكلما تذكر يجدح عندك على الفعلوه بيك الاشرار

لاحمايه بعد تفيدك وتعطل جهاز الانذار

ال صدر شأنهم عالي بس انته طلعت ثرثار



وسفه انت ابن الصدر من نسل ناس احرار



أستغليت اسم العائله وماجبيت لهم غير العار



ياريت تشيل العمامه وتبدله بطربوش غوار



واتباعه لمن يسألونه يختم جوابه بستهتار



جهله وكلب ومايفهم ايجاوب اتباعه من التيار

لايفهم علم السياسه لايعرف يحلل اخبار

والمرجع الوصى عليه الوالد تحذره وتدزله انذار

وانت لامرجع ولا مجتهد لادارس عند علماء اكبار



تفتي وحاط لك ختم وتنطي جواب بختصار



واليفتي من غيرعلم يتبوء مقعد من نار

يتحالف ويَ كاكا حَمى وحمى طبعه غدار

مايهمه العراق يتقدم ويتقدم عنده الدولار

وعلاوي ايدور مصلحته وقشمرمقطاطه الحمار



حتى يذبوها براسه ويدقون بنعشه المسمار

البعثيه همَ أعدائك لازم تاخذ منهم ثار



تهرج ويوميه تصرح بس يزيدون الدولار

مايدري اهو وعلاوي كتلهم صارت طشار



بصبر وحلمه الحجي كل الكتل تنهار

وأنكشفوا الماعدهم غيره عملاء لبعض الاقطار

سياسة حجينه حكيمه يعرف شلون يختار

الكلمه والوقت المناسب حتى عدوه بيه احتار



ياربي تحفظ الحجي وتخلصنا من الاشرار



ابويوسف السماوي


الناشر العراق الجديد

http://www.4newiraq.com/news/?sid=27675