مجاهدون
01-17-2012, 06:53 AM
سنة الهدامة
بوشيخة - الدار
http://www.alanba.com.kw/AbsoluteNMNEW/articlefiles/NM/204969-2p1.jpg
شرايكم نتكلم عن التاريخ، نرجع الى سنة 1934، في هذه السنة صارت احداث مهمة، في هذي السنة كانت القوى الوطنية ممثلة بعض العوائل، وطالبوا من الحكم انه يسوون مجلس منتخب للبلدية وللمعارف يعني للتربية، المهم في هالسنة بعد موافقة الامير، صارت عملية الانتخابات، يعني ما كانت انتخابات مثل الحين، انما كان مجموعة صغيرة من الناس يروحون للديوان ويختارون بعض الاسماء، بدون ترشيح، انما بعض الاعيان يدشون وينتخبون، المهم في سنة 1934مقارنة مع بقية الدول كانت هالعملية تعتبر قمة في التطور الديموقراطي، ومجال مفتوح للمشاركة في الحكم وتحمل المسؤولية.
وبالفعل صارت ولكن طبعا ما استمرت، ولكنها كانت اول انتخابات سرية تقريبا الى حد ما اول مشاركة فعالة.
وفي سنة 1934 كانت الكارثة، صارت أمطار غزيرة في الكويت، وبسبب شدة الامطار يقال بانه تهدم اكثر من خمسمية بيت، وتشرد اكثر من عشرين الف نسمة من اهل الكويت، وقاموا ينامون في المساجد والمقرات الحكومية، وصارت فيها اصابات كثيرة، وعرفت هالسنة عند الكويتيين بسنة «الهدامة»، وخاصة انها صارت مع اواخر السنة، والى الان الكويتيين يعتبرون سنة الهدامة جزء من ذاكرة الكويتيين، وتاريخهم الاجتماعي، اللي بين فيها تلاحم اهل الكويت، ووقفتهم مع بعض!
وايضا، وفي نفس هالسنة، في سنة الهدامة، ولد عميد الاعضاء والمرشحين في مجلس الامة الكويتي العم أحمد عبد العزيز السعدون.
twitter.com/bushi5a
تاريخ النشر: الاثنين, يناير 16, 2012
بوشيخة - الدار
http://www.alanba.com.kw/AbsoluteNMNEW/articlefiles/NM/204969-2p1.jpg
شرايكم نتكلم عن التاريخ، نرجع الى سنة 1934، في هذه السنة صارت احداث مهمة، في هذي السنة كانت القوى الوطنية ممثلة بعض العوائل، وطالبوا من الحكم انه يسوون مجلس منتخب للبلدية وللمعارف يعني للتربية، المهم في هالسنة بعد موافقة الامير، صارت عملية الانتخابات، يعني ما كانت انتخابات مثل الحين، انما كان مجموعة صغيرة من الناس يروحون للديوان ويختارون بعض الاسماء، بدون ترشيح، انما بعض الاعيان يدشون وينتخبون، المهم في سنة 1934مقارنة مع بقية الدول كانت هالعملية تعتبر قمة في التطور الديموقراطي، ومجال مفتوح للمشاركة في الحكم وتحمل المسؤولية.
وبالفعل صارت ولكن طبعا ما استمرت، ولكنها كانت اول انتخابات سرية تقريبا الى حد ما اول مشاركة فعالة.
وفي سنة 1934 كانت الكارثة، صارت أمطار غزيرة في الكويت، وبسبب شدة الامطار يقال بانه تهدم اكثر من خمسمية بيت، وتشرد اكثر من عشرين الف نسمة من اهل الكويت، وقاموا ينامون في المساجد والمقرات الحكومية، وصارت فيها اصابات كثيرة، وعرفت هالسنة عند الكويتيين بسنة «الهدامة»، وخاصة انها صارت مع اواخر السنة، والى الان الكويتيين يعتبرون سنة الهدامة جزء من ذاكرة الكويتيين، وتاريخهم الاجتماعي، اللي بين فيها تلاحم اهل الكويت، ووقفتهم مع بعض!
وايضا، وفي نفس هالسنة، في سنة الهدامة، ولد عميد الاعضاء والمرشحين في مجلس الامة الكويتي العم أحمد عبد العزيز السعدون.
twitter.com/bushi5a
تاريخ النشر: الاثنين, يناير 16, 2012