سمير
12-07-2010, 04:08 PM
فضفضة وهروب من الواقع.. وتفريغ الهموم
http://www.aldaronline.com/Dar/UploadAlDar/Article%20Pictures/2010/12/7/P6-02.jpg_thumbT.jpg
http://www.aldaronline.com/Dar/UploadAlDar/Article%20Pictures/2010/12/7/p6-01.jpg_thumb2.jpg
الانترنت هل يتحول إلى وسيلة لكشف الأسرار ؟
فيصل الحمراني:
• فتاة تبحث عن حل لمشكلتها مع ابن عمها النذل الذي أفقدها أعز ما تملك وتركها تواجه مصيرها
• زوجة «متلعوزة» مع زوجها وترغب في الطلاق منه ولكن بضمان حقوقها وحقوق أولادها
• واحدة «منبطة جبدها» بسبب ما رأته من مواعدة طفلة عمرها 14 سنة لشاب من «بو طقة»
• أصعب الحكايات لشابة تشكو مرّ الشكوى من معاملة جدتها لأمها!
• طالبة محتارة من تصرفات أستاذها الدكتور المحترم!
• أم تناشد ابنتها العودة إليها والبنت تكرهها.. «حيل» من دون سبب
• معاهد التجميل ترتكب جرائم أحياناً بإجراء عمليات «التضييق» بالليزر
• مطلقة تحب زميلها في العمل وترغب في الزواج منه.. ولكن لا تعرف الطريقة التي تخبره بها
• شابة تشكو من سخيف تحرش بأختها.. ونفسها «وايد» مكسورة
• الجدة تتهم زوجة ابنها بأنها.. كافرة ساحرة
• المطلقة تعرض قضيتها بصدق وتؤكد أنها مدركة لما يحدث
• واحدة تكتب : أمبي بنات .. أنا مستحية أكتب تفاصيل ما حدث !
لماذا تنشر الفتيات اسرارهن عبر الانترنت ويكشفن المستور عبر الاختفاء خلف الاسماء واللقاءات الوهمية في منتديات كويتية، خاصة بالنساء تعج بالغرائب والاسرار؟
حيث تبوح الفتيات في هذه المنتديات بقصص واحداث واقعية تخص حياتهن وحياة اسرهن، عندما تبدأ في قراءتها تشعر بانك تقرأ مقابلة صحافية لكنها تمتاز بالصراحة والوضوح وعدم التكلف او الخوف من المساءلة القانونية أو حكايات «الفتيات» في المنتديات منها ما هو خصوصيات يحظر تداولها واخرى تعد جريمة يحاسب عليها القانون لكن من يرويها نسي او تناسى ان اسراره اصبحت في أيدي الملايين من مرتادي الانترنت، ربما هذه الظاهرة توصلنا الى حقيقة الدراسات التي تؤكد أن المرأة لا تستطيع الاحتفاظ بالسر لمدة طويلة، ربما ايضا من معاناتها القهر الذي تلاقيه في أسرتها.
«الدار» في مسحها لبعض المواقع النسائية الكويتية كشفت هذه الظاهرة، حيث نعرض في هذا الموضوع بعضا من تلك القصص المنشورة التي كتبت باللهجة العامية وبما فيها من اخطاء املائية.
ساعدوووونيييي
ماأدري صراحه وين احط موضوعي... بس ياليت اللي تقرا تساعدني بأي معلومة، او حتى ترفع الموضوع، والله يابنات حدي حدي محتاجة مساعدتكم الله يخليكم لاتنسوني واسألوا لي حتى لو ماكنتوا تعرفون: أنا بختصار بضيم ومتلعوزة من زوجي وابي اتطلق منه والأهم آخذ حضانة اعيالي وابي أضمن حقوقهم وحقي اللي منه بالشرع والقانون عشان جذي ماخليت احد ما سألته ولا محامي ما استشرته بس المشكلة الحين اني بختار واحد من هالمحامين واللي لها أو حتى لاختها تجربة مع واحد منهم ياليت لو تذكرها وتفيدني اي واحد منهم اختار: الله يخليكم لما تردون على موضوعي تذكروا قبل ماتكتبون اي كلمة ان هذي حياة ومصير ام مظلومة واعيالها لا ترشحولي اسم مايستحق اني اعطيه قضيتي ومابي احد يمدح.
عشان دعايه لمحامي ابي ضميركم معاي وكلي أمل فيكم ماتخلوني راجيتكم تساعدوني.
قصة مؤلمة
وقصة مؤلمة تعيشها فتاة كويتية حيث تقول: وصل فيها الحقد الى ان تقول جدامنا امكم ساحـــرة وكافـــــرة من فترة كتبت معاناتنا مع عمتي وطبعا عمتي تهون بمالمقارنه مع جدتي لان عمتي ماقامت تسوي فينا جذي الا بعد ماشافت امها الي هي جدتي تأذينا عذروني لاني بكتب مشاركة طويلة لان ابي افضفض من الحرة الي فيني ملييييييييييييييت وانا كاتمة وساكتة وكل يوم عن يوم يزيد جبروت وطغيان جدتي ساكنة مع عمي تجي عندنا 3 ايام في الاسبوع لان عمي يسافر لديرة زوجته وفي العطلات هم كذلك تجي عندنا والله كرهت عطلة الاسبوع والاجازات منها اتمنى ان السنة تكون كلها ايام دراسة علشان ماتجي بيتنا، جدتي كنت احبها وانا صغيرة يوم عن يوم تختفي محبتها والله الي سوته في امي مايسويه احد، 30 سنة وهي غاثه امي كنت اول ما اعرف من كبرت كل يوم اشوفها تزيد من تجي عندنا كل ليلة اسمعها تدعي على امي ان تجي سيارة وتصدمها وتموت،
بالله عليكم من يتحمل يسمع هالدعاوي على امه؟
تقول لاامي ابوج نار جهنم بتصليه وامج كافرة المفروض ماتصلي اهي الي علمت الناس السحر وعليا على جدتي ام امي صارت ماتجي بيتنا لانها ماتستحمل تسمع الدعاوي على بنتها طول اليوم لسانها شغال دعاوي على امي واخواني تقول الله لايوفقكم جعلكم ماتشوفون الخير على الي تسوونه فيني والي خلقني ماندري شنو الي سوناه لها دايما تقول قلت لولدي لاتاخذها ماتصلح لك، هو ما طاوعني، بس ان شاء الله يطلقها او يعرس عليها ولدي مافيه خير لو واحد غيره طلقها وتعيب على شكل امي تقول مو حلوة وشايفة نفسها وجهها يخرع مع ان الحمد لله امي شكلها حلو والله ان الهم كبرها عشرين سنة مسكينة امي ماتهنت في حياتها والله انها طيبة والكل يشهد على طيبتها ماتستاهل، أقسم بالله ماتستاهل الي يصير لها ياليت الهم يوقف قبل سنوات راحت تخطب لابوي وابوي مب عارف تخيلوا؟ لو احد من اخواني يمرض تقول الله بلاكم بالمرض من عمايل امكم اخوي من تشوفه تقول له مافيك خير شوف نفسك ماعندك وظيفه ولد بنتي الله وفقه لاان بنتي طيبة ومافيها شر من تسمع وحده تنخطب من عايلتنا تقول الله وفقهم لان امهم طيبة اما انتي يعني انا ماحد بيطق بابج لان امج ساحرة الكل يعرفكم على حقيقتكم واذا نايمين تجي لنا وتقول الساحرة عيالها ماوراهم فايدة هذه حوبتي
تقول للناس ان امي سحرت ابوي وحطت له العمل في القهوة سمعتنا تشوهت حسبي الله ونعم الوكيل امي وين والسحر وين؟ امي الكل يمدح طيبتها بتقولون هي تتصرف مع زوجة عمج جذي؟ بقول لا تخاف منهم لان لسانهم طويل اما احنا لانهش ولاننش والكل مستقوي علينا الي صار اليوم ان كنت تعبانة وما نمت الا ساعتين وجات غرفتنا وتدعي على امي بالموت وبعدها فتحت النافذة وانا كنت مزكمة سكرتها رجعت فتحتها وتسب فيني جعلج ماتعرسين هذا انتي بنت ماعندج رجل وتسوين جذي تخيلوا لاني سكرت النافذة.
ياناس 30 سنة وهي تعاني مااذينا احد فليش الناس تأذينا حتى غرفتنا مانقدر نقفلها نخاف نقفلها وتقوم تسب امي وتقول للناس انها تقفل الباب وماتخليها تدخل صرنا مانقدر نرد عليها لانها تسب امي وتدعي عليها مانبي نغث امي يكفي الي فيها عماتي مايرضون ياخذون امهم وفوق جذي يقول لنا لاتأذونها مع انهم عارفين ان احنا مانرد عليها اصلا وان عيالهم والله العظيم لو تسوي فيهم نص الي تسويه فينا جان حتى السب سبوها اذا في بيتنا يسوون روحهم يموتون عليها واذا راحت بيتهم دقوا على ابوي او عمي يجي ياخذها شفتوا النفاق الي فيهم؟ جاية عمتي معصبة تقول لي ليش تقولين لخالاتج ان امي ماتخليكم تنامون عدل لاحد يتكلم عن امي وجدتي، قولوا لي شلون نتصرف معها شلون نخلي عماتي يتحملون مسؤوليتها ،نسيت اقول ابوي مايسوي شي يقول ما في يدي حل، شوروا علي الله لايسلط عليكم ظالم.
مطلقة ترغب بالزواج
واخرى «مطلقة» لكنها ترغب بالزواج من زميلها في العمل وتسأل: أحب زميلي شسوي ابيه يحس؟
السلام عليكم بنات، كيف حالكم،
بنات انا تعلقت بزميل معاي بالدوام غصب عني موبيدي حبيته ابيه على سنة الله ورسوله.
بس المشكلة انا مو عارفة اهو متزوج مطلق عزوبي مادري اني مطلقة وعندي بنوتة
اهو منتقل عندنا من سنة، كنت عادي لمن اشوفه بس فجأة اتعلق فيه وصرت ودي اشوفه يوميا.
اهو من شهرين عرف ان عندي بنوتة لاني خليته يكشف عليها بس المشكلة الحين اهو عباله انا متزوجة، انا لاحظت اهتمامه من قبل لمن اكون موجودة يجي يتحجج باي شيء.
وقبل شهر كنت ماخذة اجازة ومن رديت على طول اصادفه وصار كل مايكون شفتنا عصر يتعمد يجي بالمكان اللي اكون فيه ويطلب نفس الطلب، وآخر مرة دخل مرتين ماكان شايفني من اسبوع ما دري، انا مابي يكون اوهام اتوهمها بس اتمنى انه يكون نصيبي ،شلون ابين له اني مطلقة؟ وشلون اعرف اذا يبيني ولا لا ،بنات لاتنقدون علي انا مابي سوالف مصخرة انا كبيرة وفاهمة ابي اعلقه فيني ابيه يهتم فيني ويتعلق ويخطبني لاني اتمناه كزوج ،انا بشغلي الحمدلله محبوبة من الكل ومحترمة نفسي واللي معاي، واهو لاحظ اذا كان عندي احد مايسلم علي يستحي.
تصرفات الدكتور
وطالبة في احدى الجامعات تشعر بالخوف من الدكتور بسبب تصرفاته فتقول: انا عندي مشكلة مع دكتور بالجامعة كان يساعدني حيل وطيب... بس اللي مستغربة منه حركاته لاني دخلت عليه بيوم وقالي ابيج بسولف بدردش وياج!!!
فسألني منو اهلج وين ساكنين ومن هالسوالف وشاف بإيدي ادويه «حبوب» أشار على الحبوب جان يمسك ايدي عشان يمسكهم! وبعدين قلت بضحك لاني مستغربة، جان يغير الموضوع ويقولي اسمج حلو!
المهم قلت له في شي ثاني جان يقولي تبين اطقج تبين طق انتي تبين اطراقات!
مع انه الدكتور هذا معروووووووف انه طيب وعلى نياته ونظيف وصدقوني بيني وبين نفسي اقول طيب؟ بس الحين انا خايفة منه.
مأساة صديقتها
واخرى تكشف عن مأساة صديقتها التي فضت بكارتها على يد ابن عمها الذي تركها فتقول: «رفيجتي حطت نفسها بمصيبة ما يعلم فيها الا الله».
بقوولكم سالفة رفيجتي.. بنات.. انا مصدوووومة منها هذي رفيجتي الروح بالروح من زماااان بس يوم الدراسة انا دشيت مكان واهي راحت مكان ثاني وتعرفوون شلوون الواحد يكوون لاهي بدنيته ودراسته فا شوي لهيت عنها ولهت عني وصرت ما اكلمها على طووول بس انا احبها واعرفها عدل مثل ما اعرف نفسي بقوولكم شالي صار معاها امس يتني الساعة 9 ونص بالليل ويها مصفووق وحسيتها متضايقة قعدتها شفيج مافيج جان تقوولي تذكرين فلان ولد عمي، بنات اهي كانت تكلم وايد ابن عمها قبل وتحبه وحبها انا استغربت ان شطاري عليها انا خبري انها هدته من زمان الحين صارلهم اشهر وجريب السنة قتلها اي جان تقول تدرين انه ملج انا هني ضحكت عبالي انها
متضايقة ان ملج قتلها عادي مو هذا الي تبينه لان اهي الي هدته لان اهوو طلع موو مثل ما اهي متخيلته تقوول حقير او نذل او واااااااااااايد وااااااااااااايد مخربط قبل لا يعرفها وقوول بكل وقاحة ومرة شافت بتلفووونه صور بنات شكثر تقول هذا وانا اكلمه جذي الحين الي بتستغربون منه اكثر اهي بنات كانت تروحله البيت بيت عمها تقعد عنده وااااااااااااااااااااي اهي كانت تقولي انها تروح بس الي ما كانت تقولي ياه انها مسويته معااااه شي فظيييييييييييييع يا بنات امبي انا ما صدقت ان هذي رفيجتي صج صج امبي انا خفت تخيلو بنات انها نايمة معاه بس تقوول على شطانه ان مو صج وما صار بالضبط نفس الي يصير بين المتزوجين انا هني طقيت على راسي وعيوني دمعت مو مصدقة قصتها خياااااال طبعا انا هني على طووول قتلتها ليش ما يالج بنفس الوقت او هذا ولد عمج
المفروووض اهو الي يستر عليج او اهو الي تسبب بهالشي ردت علي بجواب غبي تقولي انا ما ابيييه بعد ما صار الموقف عادي وكلمته وكان كل شي اوكي بعدين يوم عن يوووم عرفته عدل تقول ادق بليل ويتنق اقووله منو تكلم يقوولي اشكره وحده كنت اعرفها قبل داقه تسأل عني وتسلم ؟؟؟ وين قاعدين المهم باختصار قالتلي انا ان خذيته بتطلق منه وماراح اقعد معاه ولا دقيقة وانا مابي اخذه عشان الي صار واهي كانت وايد مستهينة بالشي هذا غبية جنها ياهل المهم هذي كلها سوالف بيني وبينها وهديتها وقلتلها متى ملج جان تقولي الحين صارله 4 شهووور وانا شمعنى الحين وينج من زمان ما تحجيتي جان تقولي ان مفتشله لان انا بنات شكثر كنت احذرها منه لاني ماكنت احبه المهم الحين اهي ليش جذي خايفة ياي لها واحد كان معاها بالجامعة اصغر منها بسنة دش بعدها اهي تخرجت واهوو قعد الحين يوووم خلص تقدمها او اهوو خوش واحد على كلامها مو قاصرة شي او ماتبي ترده الحين اهي قاعدة تسألني اسئلة انا ما اعرف اجابتها اهي تسوي ليزر حق البكيني من زمان المهم الي كله تسوي عندها فلبينية تقوول يوم صارت السالفة بعدها بجم اسبوع كالعادة راحت تسوي ليزر ولا الفلبينية تقوولها ان مبرووووك تزوجتي تخيلوووو عاد اهي ما قالت حق احد وان هذي فلبينية بالطقاق تقول قلتلها السالفة انا مو متزوجة وجذي وانا خايفة اذا بعدين بتزوج شلون جان تقووولها ان خليه سنة كاملة
مناشدة
واخرى تناشد ابنتها ان تكف عن الهروب منها عبر منتدى هي عضوة فيه وتقول: «بنتي طردتني من البيت وماتبيني واهي عضوة معاكم بالمنتدى». ابدا مالي علاقة بالمنتديات وغيره بس بنتي الوحيدة تحب هالمنتدى وايد وأكيد راح تقرا موضوعي حاولت بكل الطرق بس ماكو فايدة، قبل 4 سنين انفصلت عن زوجي لاسباب خاصة وما عندنا غير بنت وحيدة عمرها الحين 21 اختارت تعيش عند ابوها كان عمرها وقتها 18 وطبعا ما قدر اوصفلكم احساسي وقتها حسيت انه احد طقني طراق اختارت ابوها، علاقتنا وايد زينة بس الاسباب الي قالتها لي مالها علاقة فيني ماقدر اقولها.
المهم ماراح اطولها عليكم ،بعد اربع سنين رجعت وابي اشوفها وباختصار طردتني وقالت لي مابي اشوفج واهي عضوة معاكم بالمنتدى ،يمكن بعضكم يلومني بس انا حاولت معاها بكل الطرق بس اهي تصدني اطريت اني اسافر سنتين تقريبا وحاولت باي طريقة اني اتواصل معاها بس ماكو فايدة، قلبي يعورني ابي بنتي، طول هالمدة كنت افكر فيها واهي عارفة هالحجي كله علطول احاتيها مستحيل احس يحس بلي حاسة فيه الا الامهات كل ام اكيد راح تحس بلي حاسة فيه ،مادري شقول قلبي يعورني بنتي تعاملني بالهطريقة ابي المها واحضنها مشتاقة لها ولهانة عليها ،مو عارفة اتكلم ولا اعبر اكثر من جذي اكيد، مو عارفة شقول.
واحدة تروي مشاهدتها في إحدى الحدائق العامة نتفة صغيرة.. جعلها ما تكبر
شنو اليوم انا منبطة جبدي من وحدة نتفة صغيرة جعلها ما تكبر.. كنت رايحة حديقة كويت ماجيك اللي وراء كان شكثرهم عالم.. واكثرهم شباب بوطقة 22 وتحت وتعالي عاد شوفي البنات وتميعهم وانا باسطة فراشي واتفرج على الرايح والجاي وبناتي أخذهم ابوهم يلعبون نطاطية وينط معاهم ولا اشوف ذيج البنت النتفة عمرها تقريبا 14 تمشي معها اختها.. مدري شتصيرلها.. اصغر منها ويمشي وراهم واحد... وشوي ولّا يوقفون عند النطاطيه.. يعني يسولفون ويأشر لها الولد يعني تعالي هناك جان تروح وراء الولد بعييييييد يتكلمون واختها تتستر عليها وتنطرها عند النطاطيه. عاااااااااد أنا رحت يم النطاطية وقلت حق رجلي الموقف وقعدنا نراقب الحدث.. جان تجي البنت مو خايفة ولاهمها شي، وقعدت أخزها يعني شكيتج وهي ولا على بألها... بطقاق فيني دريت ولا عني ما دريت اصلا تطالعني وعااااااااادي والله قهر..هذي جذي تسوي شلون باجر لا كبرت ما تلاحظون اكثروا البنات الصغار اللي يغازلون .. ولااااا وتلقينها كاااااااشخة حدها.
سخرية سخيفة
وسخرية سخيفة من شاب جعل فتاة تبوح بغضبها: امبي بنات امس كنت بالافنيوووو قاعدين نتمشى انا واختي الي اصغر مني بسنه.... جان واحد يقولها
(فيل على انسان عادي هههه) جذي قاااال صج صج صججججج سخيف وربي سخيف... واختي مسكينة درت انه يقصدها قالت الحمدلله والشكر وانا طول الوقت ابي ابجي لاني ما خذيت حقها منه جليل الحيا واختي خجووولة وحساسة... والله لو ما الحيا جان بالنعال على ويهه بس مابي الناس تقول شفيها هذي تتهاوش مع واحد والله امس بليل مانمت احس مخنوقة واختي كاسرة خاطري، سوت نفسها مو مهتمة بس ويها قلب الواااان لما عيب عليها الحمار هذا ابي افهم شيستفيدون لما يعيبون على خلق الله هالشباب؟ والله تصرفاتهم سخيفه حييييييييل ليش يجرحون الاوادم؟ ويع الله بيبليهم انشاء الله اكره هالحركات وكرهت الطلعة بالاماكن الي فيها هيلق وشباب استخفوا، شبابنا يمشون ويعيبون على خلق الله.
http://www.aldaronline.com/Dar/UploadAlDar/Article%20Pictures/2010/12/7/P6-02.jpg_thumbT.jpg
http://www.aldaronline.com/Dar/UploadAlDar/Article%20Pictures/2010/12/7/p6-01.jpg_thumb2.jpg
الانترنت هل يتحول إلى وسيلة لكشف الأسرار ؟
فيصل الحمراني:
• فتاة تبحث عن حل لمشكلتها مع ابن عمها النذل الذي أفقدها أعز ما تملك وتركها تواجه مصيرها
• زوجة «متلعوزة» مع زوجها وترغب في الطلاق منه ولكن بضمان حقوقها وحقوق أولادها
• واحدة «منبطة جبدها» بسبب ما رأته من مواعدة طفلة عمرها 14 سنة لشاب من «بو طقة»
• أصعب الحكايات لشابة تشكو مرّ الشكوى من معاملة جدتها لأمها!
• طالبة محتارة من تصرفات أستاذها الدكتور المحترم!
• أم تناشد ابنتها العودة إليها والبنت تكرهها.. «حيل» من دون سبب
• معاهد التجميل ترتكب جرائم أحياناً بإجراء عمليات «التضييق» بالليزر
• مطلقة تحب زميلها في العمل وترغب في الزواج منه.. ولكن لا تعرف الطريقة التي تخبره بها
• شابة تشكو من سخيف تحرش بأختها.. ونفسها «وايد» مكسورة
• الجدة تتهم زوجة ابنها بأنها.. كافرة ساحرة
• المطلقة تعرض قضيتها بصدق وتؤكد أنها مدركة لما يحدث
• واحدة تكتب : أمبي بنات .. أنا مستحية أكتب تفاصيل ما حدث !
لماذا تنشر الفتيات اسرارهن عبر الانترنت ويكشفن المستور عبر الاختفاء خلف الاسماء واللقاءات الوهمية في منتديات كويتية، خاصة بالنساء تعج بالغرائب والاسرار؟
حيث تبوح الفتيات في هذه المنتديات بقصص واحداث واقعية تخص حياتهن وحياة اسرهن، عندما تبدأ في قراءتها تشعر بانك تقرأ مقابلة صحافية لكنها تمتاز بالصراحة والوضوح وعدم التكلف او الخوف من المساءلة القانونية أو حكايات «الفتيات» في المنتديات منها ما هو خصوصيات يحظر تداولها واخرى تعد جريمة يحاسب عليها القانون لكن من يرويها نسي او تناسى ان اسراره اصبحت في أيدي الملايين من مرتادي الانترنت، ربما هذه الظاهرة توصلنا الى حقيقة الدراسات التي تؤكد أن المرأة لا تستطيع الاحتفاظ بالسر لمدة طويلة، ربما ايضا من معاناتها القهر الذي تلاقيه في أسرتها.
«الدار» في مسحها لبعض المواقع النسائية الكويتية كشفت هذه الظاهرة، حيث نعرض في هذا الموضوع بعضا من تلك القصص المنشورة التي كتبت باللهجة العامية وبما فيها من اخطاء املائية.
ساعدوووونيييي
ماأدري صراحه وين احط موضوعي... بس ياليت اللي تقرا تساعدني بأي معلومة، او حتى ترفع الموضوع، والله يابنات حدي حدي محتاجة مساعدتكم الله يخليكم لاتنسوني واسألوا لي حتى لو ماكنتوا تعرفون: أنا بختصار بضيم ومتلعوزة من زوجي وابي اتطلق منه والأهم آخذ حضانة اعيالي وابي أضمن حقوقهم وحقي اللي منه بالشرع والقانون عشان جذي ماخليت احد ما سألته ولا محامي ما استشرته بس المشكلة الحين اني بختار واحد من هالمحامين واللي لها أو حتى لاختها تجربة مع واحد منهم ياليت لو تذكرها وتفيدني اي واحد منهم اختار: الله يخليكم لما تردون على موضوعي تذكروا قبل ماتكتبون اي كلمة ان هذي حياة ومصير ام مظلومة واعيالها لا ترشحولي اسم مايستحق اني اعطيه قضيتي ومابي احد يمدح.
عشان دعايه لمحامي ابي ضميركم معاي وكلي أمل فيكم ماتخلوني راجيتكم تساعدوني.
قصة مؤلمة
وقصة مؤلمة تعيشها فتاة كويتية حيث تقول: وصل فيها الحقد الى ان تقول جدامنا امكم ساحـــرة وكافـــــرة من فترة كتبت معاناتنا مع عمتي وطبعا عمتي تهون بمالمقارنه مع جدتي لان عمتي ماقامت تسوي فينا جذي الا بعد ماشافت امها الي هي جدتي تأذينا عذروني لاني بكتب مشاركة طويلة لان ابي افضفض من الحرة الي فيني ملييييييييييييييت وانا كاتمة وساكتة وكل يوم عن يوم يزيد جبروت وطغيان جدتي ساكنة مع عمي تجي عندنا 3 ايام في الاسبوع لان عمي يسافر لديرة زوجته وفي العطلات هم كذلك تجي عندنا والله كرهت عطلة الاسبوع والاجازات منها اتمنى ان السنة تكون كلها ايام دراسة علشان ماتجي بيتنا، جدتي كنت احبها وانا صغيرة يوم عن يوم تختفي محبتها والله الي سوته في امي مايسويه احد، 30 سنة وهي غاثه امي كنت اول ما اعرف من كبرت كل يوم اشوفها تزيد من تجي عندنا كل ليلة اسمعها تدعي على امي ان تجي سيارة وتصدمها وتموت،
بالله عليكم من يتحمل يسمع هالدعاوي على امه؟
تقول لاامي ابوج نار جهنم بتصليه وامج كافرة المفروض ماتصلي اهي الي علمت الناس السحر وعليا على جدتي ام امي صارت ماتجي بيتنا لانها ماتستحمل تسمع الدعاوي على بنتها طول اليوم لسانها شغال دعاوي على امي واخواني تقول الله لايوفقكم جعلكم ماتشوفون الخير على الي تسوونه فيني والي خلقني ماندري شنو الي سوناه لها دايما تقول قلت لولدي لاتاخذها ماتصلح لك، هو ما طاوعني، بس ان شاء الله يطلقها او يعرس عليها ولدي مافيه خير لو واحد غيره طلقها وتعيب على شكل امي تقول مو حلوة وشايفة نفسها وجهها يخرع مع ان الحمد لله امي شكلها حلو والله ان الهم كبرها عشرين سنة مسكينة امي ماتهنت في حياتها والله انها طيبة والكل يشهد على طيبتها ماتستاهل، أقسم بالله ماتستاهل الي يصير لها ياليت الهم يوقف قبل سنوات راحت تخطب لابوي وابوي مب عارف تخيلوا؟ لو احد من اخواني يمرض تقول الله بلاكم بالمرض من عمايل امكم اخوي من تشوفه تقول له مافيك خير شوف نفسك ماعندك وظيفه ولد بنتي الله وفقه لاان بنتي طيبة ومافيها شر من تسمع وحده تنخطب من عايلتنا تقول الله وفقهم لان امهم طيبة اما انتي يعني انا ماحد بيطق بابج لان امج ساحرة الكل يعرفكم على حقيقتكم واذا نايمين تجي لنا وتقول الساحرة عيالها ماوراهم فايدة هذه حوبتي
تقول للناس ان امي سحرت ابوي وحطت له العمل في القهوة سمعتنا تشوهت حسبي الله ونعم الوكيل امي وين والسحر وين؟ امي الكل يمدح طيبتها بتقولون هي تتصرف مع زوجة عمج جذي؟ بقول لا تخاف منهم لان لسانهم طويل اما احنا لانهش ولاننش والكل مستقوي علينا الي صار اليوم ان كنت تعبانة وما نمت الا ساعتين وجات غرفتنا وتدعي على امي بالموت وبعدها فتحت النافذة وانا كنت مزكمة سكرتها رجعت فتحتها وتسب فيني جعلج ماتعرسين هذا انتي بنت ماعندج رجل وتسوين جذي تخيلوا لاني سكرت النافذة.
ياناس 30 سنة وهي تعاني مااذينا احد فليش الناس تأذينا حتى غرفتنا مانقدر نقفلها نخاف نقفلها وتقوم تسب امي وتقول للناس انها تقفل الباب وماتخليها تدخل صرنا مانقدر نرد عليها لانها تسب امي وتدعي عليها مانبي نغث امي يكفي الي فيها عماتي مايرضون ياخذون امهم وفوق جذي يقول لنا لاتأذونها مع انهم عارفين ان احنا مانرد عليها اصلا وان عيالهم والله العظيم لو تسوي فيهم نص الي تسويه فينا جان حتى السب سبوها اذا في بيتنا يسوون روحهم يموتون عليها واذا راحت بيتهم دقوا على ابوي او عمي يجي ياخذها شفتوا النفاق الي فيهم؟ جاية عمتي معصبة تقول لي ليش تقولين لخالاتج ان امي ماتخليكم تنامون عدل لاحد يتكلم عن امي وجدتي، قولوا لي شلون نتصرف معها شلون نخلي عماتي يتحملون مسؤوليتها ،نسيت اقول ابوي مايسوي شي يقول ما في يدي حل، شوروا علي الله لايسلط عليكم ظالم.
مطلقة ترغب بالزواج
واخرى «مطلقة» لكنها ترغب بالزواج من زميلها في العمل وتسأل: أحب زميلي شسوي ابيه يحس؟
السلام عليكم بنات، كيف حالكم،
بنات انا تعلقت بزميل معاي بالدوام غصب عني موبيدي حبيته ابيه على سنة الله ورسوله.
بس المشكلة انا مو عارفة اهو متزوج مطلق عزوبي مادري اني مطلقة وعندي بنوتة
اهو منتقل عندنا من سنة، كنت عادي لمن اشوفه بس فجأة اتعلق فيه وصرت ودي اشوفه يوميا.
اهو من شهرين عرف ان عندي بنوتة لاني خليته يكشف عليها بس المشكلة الحين اهو عباله انا متزوجة، انا لاحظت اهتمامه من قبل لمن اكون موجودة يجي يتحجج باي شيء.
وقبل شهر كنت ماخذة اجازة ومن رديت على طول اصادفه وصار كل مايكون شفتنا عصر يتعمد يجي بالمكان اللي اكون فيه ويطلب نفس الطلب، وآخر مرة دخل مرتين ماكان شايفني من اسبوع ما دري، انا مابي يكون اوهام اتوهمها بس اتمنى انه يكون نصيبي ،شلون ابين له اني مطلقة؟ وشلون اعرف اذا يبيني ولا لا ،بنات لاتنقدون علي انا مابي سوالف مصخرة انا كبيرة وفاهمة ابي اعلقه فيني ابيه يهتم فيني ويتعلق ويخطبني لاني اتمناه كزوج ،انا بشغلي الحمدلله محبوبة من الكل ومحترمة نفسي واللي معاي، واهو لاحظ اذا كان عندي احد مايسلم علي يستحي.
تصرفات الدكتور
وطالبة في احدى الجامعات تشعر بالخوف من الدكتور بسبب تصرفاته فتقول: انا عندي مشكلة مع دكتور بالجامعة كان يساعدني حيل وطيب... بس اللي مستغربة منه حركاته لاني دخلت عليه بيوم وقالي ابيج بسولف بدردش وياج!!!
فسألني منو اهلج وين ساكنين ومن هالسوالف وشاف بإيدي ادويه «حبوب» أشار على الحبوب جان يمسك ايدي عشان يمسكهم! وبعدين قلت بضحك لاني مستغربة، جان يغير الموضوع ويقولي اسمج حلو!
المهم قلت له في شي ثاني جان يقولي تبين اطقج تبين طق انتي تبين اطراقات!
مع انه الدكتور هذا معروووووووف انه طيب وعلى نياته ونظيف وصدقوني بيني وبين نفسي اقول طيب؟ بس الحين انا خايفة منه.
مأساة صديقتها
واخرى تكشف عن مأساة صديقتها التي فضت بكارتها على يد ابن عمها الذي تركها فتقول: «رفيجتي حطت نفسها بمصيبة ما يعلم فيها الا الله».
بقوولكم سالفة رفيجتي.. بنات.. انا مصدوووومة منها هذي رفيجتي الروح بالروح من زماااان بس يوم الدراسة انا دشيت مكان واهي راحت مكان ثاني وتعرفوون شلوون الواحد يكوون لاهي بدنيته ودراسته فا شوي لهيت عنها ولهت عني وصرت ما اكلمها على طووول بس انا احبها واعرفها عدل مثل ما اعرف نفسي بقوولكم شالي صار معاها امس يتني الساعة 9 ونص بالليل ويها مصفووق وحسيتها متضايقة قعدتها شفيج مافيج جان تقوولي تذكرين فلان ولد عمي، بنات اهي كانت تكلم وايد ابن عمها قبل وتحبه وحبها انا استغربت ان شطاري عليها انا خبري انها هدته من زمان الحين صارلهم اشهر وجريب السنة قتلها اي جان تقول تدرين انه ملج انا هني ضحكت عبالي انها
متضايقة ان ملج قتلها عادي مو هذا الي تبينه لان اهي الي هدته لان اهوو طلع موو مثل ما اهي متخيلته تقوول حقير او نذل او واااااااااااايد وااااااااااااايد مخربط قبل لا يعرفها وقوول بكل وقاحة ومرة شافت بتلفووونه صور بنات شكثر تقول هذا وانا اكلمه جذي الحين الي بتستغربون منه اكثر اهي بنات كانت تروحله البيت بيت عمها تقعد عنده وااااااااااااااااااااي اهي كانت تقولي انها تروح بس الي ما كانت تقولي ياه انها مسويته معااااه شي فظيييييييييييييع يا بنات امبي انا ما صدقت ان هذي رفيجتي صج صج امبي انا خفت تخيلو بنات انها نايمة معاه بس تقوول على شطانه ان مو صج وما صار بالضبط نفس الي يصير بين المتزوجين انا هني طقيت على راسي وعيوني دمعت مو مصدقة قصتها خياااااال طبعا انا هني على طووول قتلتها ليش ما يالج بنفس الوقت او هذا ولد عمج
المفروووض اهو الي يستر عليج او اهو الي تسبب بهالشي ردت علي بجواب غبي تقولي انا ما ابيييه بعد ما صار الموقف عادي وكلمته وكان كل شي اوكي بعدين يوم عن يوووم عرفته عدل تقول ادق بليل ويتنق اقووله منو تكلم يقوولي اشكره وحده كنت اعرفها قبل داقه تسأل عني وتسلم ؟؟؟ وين قاعدين المهم باختصار قالتلي انا ان خذيته بتطلق منه وماراح اقعد معاه ولا دقيقة وانا مابي اخذه عشان الي صار واهي كانت وايد مستهينة بالشي هذا غبية جنها ياهل المهم هذي كلها سوالف بيني وبينها وهديتها وقلتلها متى ملج جان تقولي الحين صارله 4 شهووور وانا شمعنى الحين وينج من زمان ما تحجيتي جان تقولي ان مفتشله لان انا بنات شكثر كنت احذرها منه لاني ماكنت احبه المهم الحين اهي ليش جذي خايفة ياي لها واحد كان معاها بالجامعة اصغر منها بسنة دش بعدها اهي تخرجت واهوو قعد الحين يوووم خلص تقدمها او اهوو خوش واحد على كلامها مو قاصرة شي او ماتبي ترده الحين اهي قاعدة تسألني اسئلة انا ما اعرف اجابتها اهي تسوي ليزر حق البكيني من زمان المهم الي كله تسوي عندها فلبينية تقوول يوم صارت السالفة بعدها بجم اسبوع كالعادة راحت تسوي ليزر ولا الفلبينية تقوولها ان مبرووووك تزوجتي تخيلوووو عاد اهي ما قالت حق احد وان هذي فلبينية بالطقاق تقول قلتلها السالفة انا مو متزوجة وجذي وانا خايفة اذا بعدين بتزوج شلون جان تقووولها ان خليه سنة كاملة
مناشدة
واخرى تناشد ابنتها ان تكف عن الهروب منها عبر منتدى هي عضوة فيه وتقول: «بنتي طردتني من البيت وماتبيني واهي عضوة معاكم بالمنتدى». ابدا مالي علاقة بالمنتديات وغيره بس بنتي الوحيدة تحب هالمنتدى وايد وأكيد راح تقرا موضوعي حاولت بكل الطرق بس ماكو فايدة، قبل 4 سنين انفصلت عن زوجي لاسباب خاصة وما عندنا غير بنت وحيدة عمرها الحين 21 اختارت تعيش عند ابوها كان عمرها وقتها 18 وطبعا ما قدر اوصفلكم احساسي وقتها حسيت انه احد طقني طراق اختارت ابوها، علاقتنا وايد زينة بس الاسباب الي قالتها لي مالها علاقة فيني ماقدر اقولها.
المهم ماراح اطولها عليكم ،بعد اربع سنين رجعت وابي اشوفها وباختصار طردتني وقالت لي مابي اشوفج واهي عضوة معاكم بالمنتدى ،يمكن بعضكم يلومني بس انا حاولت معاها بكل الطرق بس اهي تصدني اطريت اني اسافر سنتين تقريبا وحاولت باي طريقة اني اتواصل معاها بس ماكو فايدة، قلبي يعورني ابي بنتي، طول هالمدة كنت افكر فيها واهي عارفة هالحجي كله علطول احاتيها مستحيل احس يحس بلي حاسة فيه الا الامهات كل ام اكيد راح تحس بلي حاسة فيه ،مادري شقول قلبي يعورني بنتي تعاملني بالهطريقة ابي المها واحضنها مشتاقة لها ولهانة عليها ،مو عارفة اتكلم ولا اعبر اكثر من جذي اكيد، مو عارفة شقول.
واحدة تروي مشاهدتها في إحدى الحدائق العامة نتفة صغيرة.. جعلها ما تكبر
شنو اليوم انا منبطة جبدي من وحدة نتفة صغيرة جعلها ما تكبر.. كنت رايحة حديقة كويت ماجيك اللي وراء كان شكثرهم عالم.. واكثرهم شباب بوطقة 22 وتحت وتعالي عاد شوفي البنات وتميعهم وانا باسطة فراشي واتفرج على الرايح والجاي وبناتي أخذهم ابوهم يلعبون نطاطية وينط معاهم ولا اشوف ذيج البنت النتفة عمرها تقريبا 14 تمشي معها اختها.. مدري شتصيرلها.. اصغر منها ويمشي وراهم واحد... وشوي ولّا يوقفون عند النطاطيه.. يعني يسولفون ويأشر لها الولد يعني تعالي هناك جان تروح وراء الولد بعييييييد يتكلمون واختها تتستر عليها وتنطرها عند النطاطيه. عاااااااااد أنا رحت يم النطاطية وقلت حق رجلي الموقف وقعدنا نراقب الحدث.. جان تجي البنت مو خايفة ولاهمها شي، وقعدت أخزها يعني شكيتج وهي ولا على بألها... بطقاق فيني دريت ولا عني ما دريت اصلا تطالعني وعااااااااادي والله قهر..هذي جذي تسوي شلون باجر لا كبرت ما تلاحظون اكثروا البنات الصغار اللي يغازلون .. ولااااا وتلقينها كاااااااشخة حدها.
سخرية سخيفة
وسخرية سخيفة من شاب جعل فتاة تبوح بغضبها: امبي بنات امس كنت بالافنيوووو قاعدين نتمشى انا واختي الي اصغر مني بسنه.... جان واحد يقولها
(فيل على انسان عادي هههه) جذي قاااال صج صج صججججج سخيف وربي سخيف... واختي مسكينة درت انه يقصدها قالت الحمدلله والشكر وانا طول الوقت ابي ابجي لاني ما خذيت حقها منه جليل الحيا واختي خجووولة وحساسة... والله لو ما الحيا جان بالنعال على ويهه بس مابي الناس تقول شفيها هذي تتهاوش مع واحد والله امس بليل مانمت احس مخنوقة واختي كاسرة خاطري، سوت نفسها مو مهتمة بس ويها قلب الواااان لما عيب عليها الحمار هذا ابي افهم شيستفيدون لما يعيبون على خلق الله هالشباب؟ والله تصرفاتهم سخيفه حييييييييل ليش يجرحون الاوادم؟ ويع الله بيبليهم انشاء الله اكره هالحركات وكرهت الطلعة بالاماكن الي فيها هيلق وشباب استخفوا، شبابنا يمشون ويعيبون على خلق الله.