فاتن
12-06-2010, 07:14 AM
بوشيخة - الدار
هالأيام بعض النواب يتكلمون ويقرقون عن الاستقالة، وانه لازم النواب يستقيلون، وواحد طلع فيها من النواب، هدد بانه راح يستقيل خوفا من تفريغ الدستور، مادري هذا تنكر ولا دستور علشان يفرغونه، بالكلام الفارغ..!
وامس كنت في الديوانية وسألت الربع عن قصة الاستقالة، وكل واحد رد علي بطريقته: بوجاسم قال: رحم الله من زار وخفف.. وريحنا من صوره بالجرايد، وتصريحاته وصراخه ومصاخته.
بوعلي قال: دفعة مردي والهوى شرجي.. مع انه هالايام شمال، بس عادي هم دفعة مردي، وروحة بلا ردة، بالمحمل الي يودي وما ييب!
بومشاري قال: بصراحة وايد مهم، تصدق عاد الناس في العالم كلها راح تهد ويكيليكس ووثايقه، ويقعدون يجابلون اخبار استقالة نائب دايخ، يتصور نفسه نابليون!
بوهادي قال: ياعمي يبيلها رجال، قول وفعل، وربعنا لا فعل ولا اسم ولا قول ولا فاول ولا تسلل..
بو وائل قال: اخوي كلام الليل يمحوه النهار، وهالنوعية من النواب، عندهم الف كلمة، يروحون تالي الليل ساحة الارادة يقولون ويصرخون، ويقطون كلمتين، وباجر الصبح ينسون!
بومدحت قال: انا اقول بهذه المناسبة لازم نعمل فرح، ونوزع الشربات، ونجيب فرقة حسب الله، وبعدين نكسر وراهم القلة، والجردل!
بوأمين قال: ما يستقيلون، انتو من صجكم، الكرسي الاخضر عزيز، في ناس يرفعون قيمة الكرسي وناس ترفعهم الكراسي، وهذوله من نوعية اذا هد الكرسي يموت ويخيس!
اخيرا قال بوحسين: ياجماعة ما يجوز، هالنوعية من نواب الامة، ما يصير يستقيلون، لازم نقول لهم وننصحهم ما يستقيلون.. اذا استقالوا نضحك على منو!
Boshi55a@hotmail.com
هالأيام بعض النواب يتكلمون ويقرقون عن الاستقالة، وانه لازم النواب يستقيلون، وواحد طلع فيها من النواب، هدد بانه راح يستقيل خوفا من تفريغ الدستور، مادري هذا تنكر ولا دستور علشان يفرغونه، بالكلام الفارغ..!
وامس كنت في الديوانية وسألت الربع عن قصة الاستقالة، وكل واحد رد علي بطريقته: بوجاسم قال: رحم الله من زار وخفف.. وريحنا من صوره بالجرايد، وتصريحاته وصراخه ومصاخته.
بوعلي قال: دفعة مردي والهوى شرجي.. مع انه هالايام شمال، بس عادي هم دفعة مردي، وروحة بلا ردة، بالمحمل الي يودي وما ييب!
بومشاري قال: بصراحة وايد مهم، تصدق عاد الناس في العالم كلها راح تهد ويكيليكس ووثايقه، ويقعدون يجابلون اخبار استقالة نائب دايخ، يتصور نفسه نابليون!
بوهادي قال: ياعمي يبيلها رجال، قول وفعل، وربعنا لا فعل ولا اسم ولا قول ولا فاول ولا تسلل..
بو وائل قال: اخوي كلام الليل يمحوه النهار، وهالنوعية من النواب، عندهم الف كلمة، يروحون تالي الليل ساحة الارادة يقولون ويصرخون، ويقطون كلمتين، وباجر الصبح ينسون!
بومدحت قال: انا اقول بهذه المناسبة لازم نعمل فرح، ونوزع الشربات، ونجيب فرقة حسب الله، وبعدين نكسر وراهم القلة، والجردل!
بوأمين قال: ما يستقيلون، انتو من صجكم، الكرسي الاخضر عزيز، في ناس يرفعون قيمة الكرسي وناس ترفعهم الكراسي، وهذوله من نوعية اذا هد الكرسي يموت ويخيس!
اخيرا قال بوحسين: ياجماعة ما يجوز، هالنوعية من نواب الامة، ما يصير يستقيلون، لازم نقول لهم وننصحهم ما يستقيلون.. اذا استقالوا نضحك على منو!
Boshi55a@hotmail.com