قمبيز
03-21-2010, 01:02 AM
إمبراطورية الرماد
بوشيخة - الدار
مثل ما انت عارف عزيزي القارئ الكويتي، اللي أربعة وعشرين ساعة مجابل المقالات والمدونات وحجي الدواوين وناسي التنمية.. ان عندنا في الديرة نماذج لرجال الأعمال غريبة عجيبة.. وعارف ان الديرة فيها بلاوي، واليوم بعطيك نموذج وبلوة من هالبلاوي.. هذا واحد بدأ حياته بمصنع طابوق تركيبته الأساسية رماد النار مال بيوت أهل جبلة وشرق.. قلنا خير ما فيها شي الريال طموح ويبي يبني نفسه وهذا صلاح للنفس ورضا للوالدين.. وشي عزيز على الروح..
مع الأيام هذا الريال ياب ولد فطفوط قزر حياة المراهقة بالفنطاس لين انجبر ببنت الحلال مثل ما انجبر سعد الفرج بصالحة في مسلسل درب الزلق.. ومشت الأيام شوي والا هالبزر فاتح له ديوانية ومربي لحية وهات يا سياسة على شوية رياضة وروحتين للعمرة وثالثة للحج.. ما يخلي عزا بمنطقته الا يروح له وما يخلي عرس الا تلاقيه مسوي تنظيف بشرة اكثر من المعرس.. قلنا خير وبركة الريال جمبازي بس محترم.. ودارت الأيام وصار الأخ سياسي محنك يبي يدش مجلس الأمة.. هم مو عيب الريال طموح مثل أبوه من الرماد والطابوق لي التشريع والرقابة.. ويمكن يصير وزير وبالفعل صار.. المهم.. بأول ندوة له غلط بالكلام ستة وثلاثين غلطة..
اللي قاعدين ما يدرون شقال بس تعشوا وقبضوا المقسوم وصوتوله وصار عضو.. هني كانت المشكلة.. بو العز شال شليلة وأجر له شقة مقابيل لجنة المناقصات.. يرفع ايده مع الحكومة بثمن.. يقدم اقتراح بثمن.. يدز أسئلة للوزراء بثمن.. شوي وفتح له شركة جمبزة ونصب على العالم ومن ضمنهم النواب زملاءه.. صار وزير وأشوه ان لحقو عليه وإلا كان يبي يسجل شعيبة باسمه.. شارك بعض المسؤولين وكتب لهم شيكات مكشوفة.. سقط بالانتخابات وفاحت ريحته..
وبلشت العالم تطالبه بمستحقاتها.. هني ارتكب غلطة عمره لما حاول ياكل حقوق الناس ويناشبهم بحلالهم.. وكانت نهايته على ايدهم لان الحق حق.. بذمتكم واحد مثل هذا ماله علاقة بالاصلاح ولا الرضا ولا فيه عزة نفس.. وعنده سالفتين كل واحدة ألعن من الثانية، واحدة بمنطقة مشرف والثانية على البحر.. مع الأيام بكشفهم لكم.
• كلمة راس
هذا نموذج بسيط من نماذج كثيرة موجودة بالديرة لازم نستخدم معاهم الديتول ونطهر المجلس والحكومة من فعايلهم.. وفي بعد مستشار ياي له بالدرب وانيت بوقمارتين طاير راح يدوسه دوس ويكشف ريحته المعفنة ونحاسته وتحريشه ضد أهل الكويت ورجالاتهم.
بوشيخة - الدار
مثل ما انت عارف عزيزي القارئ الكويتي، اللي أربعة وعشرين ساعة مجابل المقالات والمدونات وحجي الدواوين وناسي التنمية.. ان عندنا في الديرة نماذج لرجال الأعمال غريبة عجيبة.. وعارف ان الديرة فيها بلاوي، واليوم بعطيك نموذج وبلوة من هالبلاوي.. هذا واحد بدأ حياته بمصنع طابوق تركيبته الأساسية رماد النار مال بيوت أهل جبلة وشرق.. قلنا خير ما فيها شي الريال طموح ويبي يبني نفسه وهذا صلاح للنفس ورضا للوالدين.. وشي عزيز على الروح..
مع الأيام هذا الريال ياب ولد فطفوط قزر حياة المراهقة بالفنطاس لين انجبر ببنت الحلال مثل ما انجبر سعد الفرج بصالحة في مسلسل درب الزلق.. ومشت الأيام شوي والا هالبزر فاتح له ديوانية ومربي لحية وهات يا سياسة على شوية رياضة وروحتين للعمرة وثالثة للحج.. ما يخلي عزا بمنطقته الا يروح له وما يخلي عرس الا تلاقيه مسوي تنظيف بشرة اكثر من المعرس.. قلنا خير وبركة الريال جمبازي بس محترم.. ودارت الأيام وصار الأخ سياسي محنك يبي يدش مجلس الأمة.. هم مو عيب الريال طموح مثل أبوه من الرماد والطابوق لي التشريع والرقابة.. ويمكن يصير وزير وبالفعل صار.. المهم.. بأول ندوة له غلط بالكلام ستة وثلاثين غلطة..
اللي قاعدين ما يدرون شقال بس تعشوا وقبضوا المقسوم وصوتوله وصار عضو.. هني كانت المشكلة.. بو العز شال شليلة وأجر له شقة مقابيل لجنة المناقصات.. يرفع ايده مع الحكومة بثمن.. يقدم اقتراح بثمن.. يدز أسئلة للوزراء بثمن.. شوي وفتح له شركة جمبزة ونصب على العالم ومن ضمنهم النواب زملاءه.. صار وزير وأشوه ان لحقو عليه وإلا كان يبي يسجل شعيبة باسمه.. شارك بعض المسؤولين وكتب لهم شيكات مكشوفة.. سقط بالانتخابات وفاحت ريحته..
وبلشت العالم تطالبه بمستحقاتها.. هني ارتكب غلطة عمره لما حاول ياكل حقوق الناس ويناشبهم بحلالهم.. وكانت نهايته على ايدهم لان الحق حق.. بذمتكم واحد مثل هذا ماله علاقة بالاصلاح ولا الرضا ولا فيه عزة نفس.. وعنده سالفتين كل واحدة ألعن من الثانية، واحدة بمنطقة مشرف والثانية على البحر.. مع الأيام بكشفهم لكم.
• كلمة راس
هذا نموذج بسيط من نماذج كثيرة موجودة بالديرة لازم نستخدم معاهم الديتول ونطهر المجلس والحكومة من فعايلهم.. وفي بعد مستشار ياي له بالدرب وانيت بوقمارتين طاير راح يدوسه دوس ويكشف ريحته المعفنة ونحاسته وتحريشه ضد أهل الكويت ورجالاتهم.