فاطمي
11-13-2008, 12:42 AM
بقلم بوشيخة - الدار
قصتي اليوم لكم عن نائب تزوج الثانية لما كانت زوجته الأولى انجبت له ولدا لأن الأخ وايد ملتزم وما يبي يخربط وخاف على روحه من الفتنة وهذا حقه شرعا ومو مهم دام الريال ما يقدر يصبر والشرع محلل له أربع مالنا شغل ...النائب نفسه قبل لا يدخل المجلس كان متسلف من شخصية دينية مبلغ وقدره اربعين الف دينار «قرض حسن» علشان يكمل بناء بيته.. وهذا مؤشر يدل على ان النائب على قد حاله ... وهالشي مو عيب كلنا نحتاج ونتسلف...عموما النائب كان معروفا عنه هجومه بمناسبة ومن غير مناسبة على أي مطربة تدخل الكويت وكان يؤيد القتال بأفغانستان والعراق بنفس الوقت ..يعني ما عنده وسطيه موليه...وهذي شخصيته ورأيه وكيفه احنا مالنا شغل فيه...بس اللي خلاني أكتب عنه اليوم جملة قضايا وعدة أمور صارت في السنوات الاربع الماضية...النائب ما غيره اللي تسلف اربعين الف علشان يبني بيته..صار يوزع فلوس بالهبل لدرجة انه طلع بالتلفزيون بأول يوم العيد يوزع عيادي على كل واحد يمر صوبه ويعطيه عشرين دينارا.. وصارت عنده تجارة العقار هواية.. تسألوني منين ياب هالبيزات اقول لكم...الفترة اللي ما كان ينتقد فيها دخول الفنانات للكويت فيها ثمن صمته..الموضوع وما فيه ان نفس النائب اللي ما قدر يصبر على مرته واهي بأربعين الولادة خوفا من الفتنه على قولته..سوا سواية ما يسويها مراهق على الشاطئ على حساب الدولة ولأنه الحبيب تعقد من هالسالفة وعرفوه الناس..تصريحاته كلها صارت عن البحر والمراكب والموانئ والشواطئ...اداؤه كنائب حده دايخ.. ولما حب يصير معارضة عطوه المقسوم وسكت..الادهى والأمر انه متخصص في اثارة الفتنة...ويغلط ويتأسف وايد..الشرهة مو عليه على اللي يعطيه الصوت.
boshi5a@aldaronline.com
تاريخ النشر : 13 نوفمبر 2008
قصتي اليوم لكم عن نائب تزوج الثانية لما كانت زوجته الأولى انجبت له ولدا لأن الأخ وايد ملتزم وما يبي يخربط وخاف على روحه من الفتنة وهذا حقه شرعا ومو مهم دام الريال ما يقدر يصبر والشرع محلل له أربع مالنا شغل ...النائب نفسه قبل لا يدخل المجلس كان متسلف من شخصية دينية مبلغ وقدره اربعين الف دينار «قرض حسن» علشان يكمل بناء بيته.. وهذا مؤشر يدل على ان النائب على قد حاله ... وهالشي مو عيب كلنا نحتاج ونتسلف...عموما النائب كان معروفا عنه هجومه بمناسبة ومن غير مناسبة على أي مطربة تدخل الكويت وكان يؤيد القتال بأفغانستان والعراق بنفس الوقت ..يعني ما عنده وسطيه موليه...وهذي شخصيته ورأيه وكيفه احنا مالنا شغل فيه...بس اللي خلاني أكتب عنه اليوم جملة قضايا وعدة أمور صارت في السنوات الاربع الماضية...النائب ما غيره اللي تسلف اربعين الف علشان يبني بيته..صار يوزع فلوس بالهبل لدرجة انه طلع بالتلفزيون بأول يوم العيد يوزع عيادي على كل واحد يمر صوبه ويعطيه عشرين دينارا.. وصارت عنده تجارة العقار هواية.. تسألوني منين ياب هالبيزات اقول لكم...الفترة اللي ما كان ينتقد فيها دخول الفنانات للكويت فيها ثمن صمته..الموضوع وما فيه ان نفس النائب اللي ما قدر يصبر على مرته واهي بأربعين الولادة خوفا من الفتنه على قولته..سوا سواية ما يسويها مراهق على الشاطئ على حساب الدولة ولأنه الحبيب تعقد من هالسالفة وعرفوه الناس..تصريحاته كلها صارت عن البحر والمراكب والموانئ والشواطئ...اداؤه كنائب حده دايخ.. ولما حب يصير معارضة عطوه المقسوم وسكت..الادهى والأمر انه متخصص في اثارة الفتنة...ويغلط ويتأسف وايد..الشرهة مو عليه على اللي يعطيه الصوت.
boshi5a@aldaronline.com
تاريخ النشر : 13 نوفمبر 2008