قصيدة مهداة الى الإمامين العسكريين بمناسبة الذكرى السنوية على الإعتداء الإرهابي الآثم

[على]

لخادم اهل البيت الشيخ أبو النور السماوي السويد ـ مالمو



اجيتك والنوايـــب حاضرات اردود
اجيتك والحزن يبن الحســن صيهود
وآنه ادري اليقصدك جود من ماجود
تجبر خاطري والروح تشفيها
****
تجبر خاطري ابحق الوصي الكرار
غدت بعــد الأيمه خاليه كــــــل دار
وكـــــــل دهر اليمر بينه تشب النار
نار الحقد كلّي من يطفيها
****
نار الحقد تدري يبن حامي الديـن
شبت بالطوايف تحرك الطيبــين
وتعادي اليوالي واليزور حسيـن
الف متوكل اليوم الرجع ليها
****
الف متوكل ايكـطع اديــــن وروس
انْ جان المضه ياخذ ضريبه فلوس
وماعنده ضمير وفاكــــــد الناموس
زادت هالنذاله وردّت اعليها
****
زادت هالنذاله بالأحقاد اتحـــوك
ترجع للنواصب والأمر مشكوك
تتهنّـــــــه ابكتلنه والدم المسفوك
ماهم الموالي الجنه راجيها
****
ماهم الموالي ايروح علْ أقـــدام
يمشي للحسين أُوينصر الإسلام
جا وين اليعادي وين ظل هــدّام
حتى الكاع ماقبلَت يظل بيها
****
حتى الكاع ماقبلت إبهــــل الأجلاف
رب العرش عادل يحكـــم إبإنصاف
واليمشي بطريق حسين أبـد ماخاف
خلِّ القاعده اتفجِّر وْ ضاريها
****
خلِّ القاعـــده اتصدِّر فِكر معيوب
على قـــلب الموالي بالدمع مكتوب
والله حسينّــــه ماننكـــــــره للنّوب
حب احسينه بالجود يحميها
****
حبّ احسينه مكتــــوب بالأرواح
ماهمنه اشفقدنه والعمــر لو راح
ولو بحـــر النوايب بالدمايه ساح
لجل احسينّه مهجتنا نبريها
****
لجل احسينّه مهجتنه متوجــــــره
ونيران الهموم امن الحزن جمره
وحبّ احسينَّه عِبره اببطن عَبره
كل عام اليمر اعلينه نحييها
****
كل عام اليمر ماخفنه من تفخيخ
ماهمنه النَّواصب لو تريد اتشيخ
وأولاد المضَوا لو عادَو التاريخ
روح المؤمن حسين اليسلّيها
****
روح المؤمن اتحدَّت طغاة اوْموت
تهتف كل وَكِت فوق المنايه اتفوت
ولو راد النواصب يخمدون الصوت
كلهم خل يجون انشوف تاليها
****
كلهم خل يجون أُوتالي وين الراي
كلْ شيعي لَعند العسكــــري عنَّاي
يعجن مُهْجِتَه قبل الرَمــل والماي
قاصد حضْرِتَك بالروح يبنيها
****
قاصد حضرِتك وَسفه تظل للساع
مهدومه وْجُروح المخلصين أُوساع
يَمته يِظهـــر ابميَّه يِــــــرِد الصاع
عجِّل ياإلاهي فرج مهديها
****
عجّل يإلاهي بلكي هاي العــــــــوج
تتعدَّل ابعدلك مايغرهه المــــــــوج
يروح المـا يفيد النَّاس ويَّه الـــروج
والينفَع يِظل بذْن الله هاديها
****
والينفَع يظل والمعتَقـــــَد صادق
يرجع للذي ابفضله يظــل سابق
ولو نبني الارواح إلْقُبته انوافـق
مانبخل أبد لَبن النقي بيها
****
مانِبْخَـــــــــل أبَـــد بنيانَّ مرصوص
بالقرآن عن أهـــــل الوِفه منصوص
ماهمنه النَّواصب خَلهه دوم اتحوص
عقيدتنا أبو السجّاد يحميها
****
عَقيدتنا أبو السجـــــاد أبَد مَنْجوز
هِنياله الذي من بحر جوده ايحوز
بْدنيه وآخره وْرضوان ربَّه ايفوز
والوهابي ماظن يحظه تاليها
****
والوهَّابي بالباطل دخلَّــــــه ايخوض
تالي بالقبور امفشخ اوْمـــــرضوض
وين ايروح من يلْكَه علي عالـحوض
يِسِأْلَه اوْل عله الشيعه اشعمل بيها
****
يِسِأْلَه اوَّل عله فتوة ابـــــن جبريـــن
يكَله ماقريت اسمي ابوســـــط ياسين
عمت عَينك تكفْـــــــر اليتبَع الطيبين
جا مِنْهو الذي للدين يهديها
****
جا منهو الذي بالنايبات ايحـــــوذ
ومنهو ابعزِّتَه وابفَضلَه احنه انلوذ
وِبْربّ الفلَق منكـــــــم يَناس انعوذ
ريت آثارهم يالمهدي تمحيها
****
ريتْ آثارْهُم يالمهدي شافت ويــل
يُوَرْثُون الضغاين بيها جيل إلْجيل
أمر واتدبَّر امــــن أشرارهُم بالليل
امْن اولهُم بدت لليوم تاليها
****
امن اولهُم بدَت أسست لَلذِل جيش
علْ واله علي بالنايبات اتــــجيش
كِتبت عَهَد كل شيعي ابد مَيْعيش
اوظلينه ايدين الشر نلاويها
****
ظَلينه نلاويهــــــا فلا ننضــــــــام
احنه أحفاد حيدر جــوهر الاسلام
اتحزَّمْنه لَعِند الموزمات احـــــزام
وْهاي أجيالنا علْ حَق نربيها