أخر عشر مواضيع
الجيش العراقي يفك الحصار الذي يفرضه تنظيم " داعش الارهابي " على بلدة آمرلي (اخر مشاركة : jameela - عددالردود : 10 - عددالزوار : 36 )           »          اختطاف كويتي في بعلبك اللبنانية (اخر مشاركة : طائر - عددالردود : 4 - عددالزوار : 34 )           »          موصلي يقتل داعشي طلب "جهاد النكاح" مع إبنته أو زوجته ويفر الى بغداد (اخر مشاركة : طائر - عددالردود : 0 - عددالزوار : 5 )           »          صوره .. نباطه عملاقة لاصطياد الكفار الدواعش .... والله لنمحيها (اخر مشاركة : طائر - عددالردود : 2 - عددالزوار : 30 )           »          العدوان السعودي على دول المنطقة تجاوز الحدود (اخر مشاركة : ريما - عددالردود : 6 - عددالزوار : 95 )           »          مركز سلطان» التابع للشيخ خالد السلطان تفتتح فرعاً جديداً في لبنان .. والمزيد من بيع الخمور (اخر مشاركة : السماء الزرقاء - عددالردود : 0 - عددالزوار : 13 )           »          القاء القبض على مجموعة من المشتركين في مجزرة قاعدة سبايكر من قبل الجيش العراقي ...صور ماقبل الاعدام (اخر مشاركة : أبو ربيع - عددالردود : 0 - عددالزوار : 10 )           »          التلفزيون الالماني : مسلحو داعش يتدربون في جنوب تركيا قبل توجههم إلى سورية والعراق (اخر مشاركة : زهير - عددالردود : 0 - عددالزوار : 6 )           »          شاهد عملية تحرير سد الموصل من قبل الفرقة الذهبية بقيادة اللواء فاضل البرواري (اخر مشاركة : زهير - عددالردود : 0 - عددالزوار : 6 )           »          نائب تكفيري غير مكتف بوجود داعش والنصره والجيش الحر ويطالب وزارة التربية بالمزيد من التكفير بالمناهج (اخر مشاركة : زهير - عددالردود : 0 - عددالزوار : 15 )           »         

   
العودة   منتدى منار للحوار .... الرأى والرأى الآخر > المنتدى الاجتماعي > المنتدى الإجتماعى > منتدى الهوايات والإهتمامات الشخصية
   
إضافة رد
   
 
أدوات الموضوع انواع عرض الموضوع
قديم 11-19-2005   #1
فاطمي
عضو
 
تاريخ التسجيل: May 2005
المشاركات: 3,690
محمد إدريس: زواج ابنتي نيرفانا من جمال ابن الرئيس مبارك إشاعة جميلة!




حوار: ليلى أحمد

ما إن تمت اقالة المذيعة الجميلة نيرفانا إدريس من محطة اوربت وتحديدا من برنامج «القاهرة اليوم»، قمنا «مشكورين» وكما تقتضي المهنة بنشر الخبر، وعلى الفور تلقت احدى شركات الانتاج الاعلامي الكبرى خبر اقالتها من القاهرة، فعرضت عليها العمل ببرنامج «البيت بيتك» على التلفزيون المصري، وبعقد مالي «كما قال لنا الوشاة من أولاد الحلال» يصل الى 15 الف دولار شهريا، الامر الذي اثار ضجة كبرى في «ماسبيرو» مبنى التلفزيون المصري الرسمي، ذلك لانه تم استبعاد مذيعتين كانتا تقدمان البرنامج لعام كامل وكانت لهما شعبية كبيرة,,, اسئلتنا كثيرة قليلها هي,,,

ما تداعيات خروج نيرفانا ادريس من برنامج «القاهرة اليوم» الذي قدمته مع عمرو أديب على مدى سبع سنوات كاملة,,,؟!

اصلا,,, هل قدمت استقالتها لوجود عرض مصري آخر,,, ام انها اقيلت؟!

- والد نيرفانا محمد ادريس كان معلما تربويا في احدى مدارس الكويت، ترك التدريس وتفرغ لادارة اعماله الخاصة في البزنس، زارنا في «الرأي العام» لتوضيح ملابسات خروج ابنته من الاوربت,,, لماذا نكتب مقدمة طويلة، هو قادر على ايضاح كل الملابسات التي حصلت والضغوط التي تعرضت لها,,, هذا حوار مع مدير اعمال المذيعة نيرفانا ادريس والدها محمد الذي تبناها منذ بدايتها وما زال حتى اليوم.
نعتذر «احنا شكو»,,, لخروج نيرفانا من البرنامج الناجح,,, «القاهرة اليوم» على فضائية اوربت؟
- تعتذري ليه,,,!؟ بنتي حصلت على شغل أحسن الف مرة من اللي كانت فيه؟.
تقصد من ناحية العرض المالي؟
- غير العرض المادي,,, بنتي يشوفها (70) مليون مصري مش أحسن من 27 الف مشترك على الاوربت؟
مبروك,,, لماذا تركت الاوربت؟
- ماتركتش من نفسها,, همه اللي «ادوها» اجازة مفتوحة باسم انهم بيفكروا يعملو ليها برنامج لوحدها.
ممكن,,, هذا أحسن أليس كذلك؟
- اولا عاوز اوضح حاجة، ان نيرفانا بنتي طوال سبع سنوات ما تأخرتش في تقديم البرنامج، تجي بميعاد وترجع بيتها بمعياد,, الا ان المؤامرات تكالبت عليها زي الوحوش الضارية.

بنتي مستهدفة
وحوش ضارية,, فسر أكثر؟
- كلهم في الاوربت,,, ودية فرصة حتى أقول لملاك اوربت، شوفوا اسماء العايلات اللي مشتركة بكاملها في برنامج «القاهرة اليوم»,,, وغيرها من البرامج اللي تطلع من مصر.
لماذا تعتقد ان نيرفانا,,, مستهدفة على كل وداعتها؟
- هنا جبتيها صح,,, اصل نيرفانا مش بتاعة صراعات وخلافات، هي ملهاش في المواضيع ديه، شغلها وبس,,, دية شخصيتها,,, بنتي مستهدفة لانها جاية من الكويت؟
عفوا,,, اشجاب لجاب,,, ما علاقة هذا بذاك وتحديدا بالاوربت الخليجية الرأسمال؟
- لو بس تخليني اكمل,,, بنتي راحت على الاوربت بعد تلفزيون الكويت اللي قدمت فيه برامج على مدى عشر سنوات,,, بنتي مثقفة وخريجة كلية الاعلام يعني,,, اكتبي عندك اكاديمية ومذيعة رفيعة المستوى محترفة,,, عشان كده بيغاروا منها.
ما فيهاش انها جاية من الكويت؟
- اصدي,,, ان خبرتها جت من الكويت,,, حاجة بروفيشنال «محترفة»,,, فهي أقدم من عمرو اديب بعشر سنوات خبرة وتميز,,, تصوري.
بينا,, نتصور,,, ها!
- انا بتكلم جد,,, نيرفانا لما طلبها الشيخ سعود الصباح وزير الاعلام الاسبق، كلمها بالليل عن تكليفها ببرنامج «صباح الخير ياكويت» في اول طلعته على الهوا بنتي من فجرية ربنا كانت جاهزة بالاستديو,,, بنتي من صغرها بتتحمل المسؤولية.

مش طمع خالص
ارجع وأسألك,,, لماذا وكيف تركت الاوربت؟
- انت عارفة ان بنتي محترفة، فمطلوبة جدا، قبل مغادرتها للكويت سافرت معها الى لندن بدعوة من الشيخ وليد الابراهيم رئيس مجلس ادارة محطة mbc عشان تنضم للقناة.
وقالوا,,, انك ما وافقتش لانك «داخل على طمع»,,, وطلبت مبلغا رهيبا مع امتيازات اخرى عجيبة غريبة؟
- مش صحيح، يقولو اللي يقولوه دية بنتي اتعرض عليها مبلغ اكبر من المذيعة ليلى الشيخلي التي كانت اقوى مذيعات mbc.
لماذا لم تنضم اذن للقناة؟
- لان ما عنديش بنات تعيش بالغربة لوحدها!!.
بس انت سافرت معاها للاتفاق على العمل؟
- صح,, اعرف ان طبيعة نيرفانا شخصية يعتمد عليها، وتعرف تتصرف وتدير حياتها، بس,, راجعت نفسي وشفت ان الفكرة مش مقبولة، لان اسرتي حتبقى مشتتة، فاذا استقرت نيرفانا في لندن، حتما سترافقها والدتها,,, على فكرة,, المدام اسمها زي اسمك,,, ليلى.
يعني,,, براءة من الطمع,, زي ما قالوا عنك,,, طماع؟
- ما يهمنيش يقولو ايه.

هي الاكثر خبرة
لسه ما عرفتش سابت الاوربت ليه عاوزه السبب الاصلي مش النتيجة؟
- شوفي,,, قناة «اليوم» على الاوربت اتعملت عشان بنتي,,, هي نجمة,,, وعمرو اديب كان بيشتغل مذيع في برنامج سواريه.
وبرنامج «القاهرة اليوم» كان,,.
- قاطعني: اتعمل عشان بنتي,,, عندها امكانية تقدم برنامج لثلاث ساعات ونصف، جابوا عمرو اديب في محاولة لتثبيته,, وعشان خاطر اخوه احضري.
تقصد الاعلامي عماد الدين اديب؟
- بالزبط,,, عمرو اقل من نيرفانا,,, وهوه عنده هلع، ومفهم نفسه انه حاجة مهمة,.
نيرفانا متجاوزة جدا للكثير من «قلة الادب» الخارجة عن الادب التي تتلقاها على الهواء من المتصلين عبر الهاتف؟
- بنتي متربية وراقية، مش عاوزه تدخل وتسف مع واحد صفيق,, نيرفانا تقبض راتب اكثر من عمرو,, وعماد,,.
يا استاذ، يا استاذ، انا اسألك سؤال تجرني لجواب مختلف عن حاجة في دماغك عاوز ترد عليها,,, اقدر انك مشحون بالغضب؟
- مش غضب ياستي، ديه وقائع، اصلك مش عارفة ان الكونترول في برنامج «القاهرة اليوم» بيشتغل وفق مصالح شخصية، بنتي وحيدة ما معهاش حد، وهناك شلة عائلية كاملة، همه اللي بيألفوا مكالمات ضد نيرفانا، كل الاتصالات الوحشة من طرف الناس اللي بتشتغل معاها، الشتايم اللي عالهوا، معقول 27 الف مشترك في الاوربت كلهم بيكرهوا نيرفانا، «حدث العاقل بما يعقل» ولا عاوزه تقولي لي انه مفيش كونترول في الكونترول، هي مؤامرة وخلاص!

دول همه اللي سابوها
سابت الاوربت ليه؟
- مش سابت دول سيّبوها,,.
لا والله,,, اشلون؟
- آ, زي ما بقول لك كده، عملت حوار مع شريفة ابو الفتوح اللي قالت لها نيرفانا راجعي المعلومات اللي عندك، انا مديرة البرنامج، قولي لي معلومات علمية حقيقية، وبنتي معاها حق، قالت نيرفانا كمان, مش يجيبوا متخصصين من الدكاترة مش تجيبوا لي خريجة تجارة!!
انا سمعت انها قالت للمعارض المرشح لانتخابات الرئاسة د, أيمن نور، مين انته حتى توقف في وجه الرئيس مبارك؟
- بنتي مالهاش في السياسة، ماعندهاش تذكرة انتخابية، عايشة طول عمرها بره مصر، وده سؤال شرعي,,, مش كده!!
بس، بيقولوا ان ده فتح لها باب العمل في التلفزيون المصري الرسمي.
- مين اللي بيقول؟
- انا,,.
(ضحك): الاوربت لما تقابل كل التيارات السياسية، يبقى ده سؤال عادي وإلا مش عادي، قالت له بكل ادب: انت ضيف عزيز، انا مش ضدك يا د, نور,,, ردود الفعل فظيعة هددوها بالخطف والاغتصاب والقتل,,, ليه,,؟! لانهم اتهموها انها مذيعة على وجهها ختم النسر الرسمي.

غيرة,,, وبس
الكلام الذي تقوله لا يؤدي الى نتائج فظيعة كما ذكرت فالاعلامي عماد الدين اديب كان مشاركا بالحملة الاعلامية للرئيس مبارك؟
- عمرو هاجمها عالهوا,,, معرفش ده نظام غيرة بسبب كفاءتها ولا ايه,,.
قاموا في نهاية البرنامج اداها مدير المحطة طارق الكاشف كتاب بيقول لها فيه: استريحي بالبيت لم نناديكي,,, حاكم احنا بنفكر نعمل لك برنامج مخصوص.

البيت بيتها
اذا خناقتها على الهواء مع شريفة ابو الفتوح اختصاصية التغذية ومع د, ايمن نور كان سببا في فصلها,,, حسنا,,, كيف وصلت ماسبيرو الصعبة الاقتحام,,.
- سافرت بعد البرنامج للندن عشان تجيب حاجات وملابس لابنها عمر بعدما اقالوها,,,قبل كده كان بيدردش معاها مهندس الديكور محمود بركة الذي اخرجوه العصابة اياها من برنامج القاهرة اليوم، ودخل شريك مع ايهاب طلعت (زوج المطربة شيرين وجدي) ورحت معاها وقابلناهم عشان نشوف العرض بتاعهم,,.
كان ايه؟
- تقدم بمفردها,,, اكتبي بمفردها برنامج «البيت بيتك» والمحجوزة من قبل شركتهم بنظام السبونسر لتقديم هذا البرنامج، وهمه من حقهم يختارون اللي همه عاوزينه لتقديم البرنامج.

تستاهل كل خير
ما التداعيات السياسية التي حصدتها نيرفانا اثر انحيازها للرئيس,,, ضد المعارض د, ايمن نور؟
- طلبها وزير الاعلام، وابلغها شكر وتقدير من الرئيس مبارك على جهودها، كمصرية تعمل في القطاع الخاص وتميزت؟!
برأيك مفيش احسن من كده مش كده؟
- طبعا,,, بنتي مخلصة لبلدها، اعلى سلطة بمصر بتشكرها لانها كفاءة
هل كان تقديمها «البيت بيتك» في التلفزيون الرسمي مكافأة لها برأيك؟
- بنتي تستاهل كل خير، واشترطت انا على الشركة ان بنتي تقدم لوحدها، مفيش حد يشاركها,,؟
ليه,,, لسبع سنوات قدمت برنامج «القاهرة اليوم» بالشراكة مع عمرو أديب؟
- بنتي مش أقل من هالة سرحان,,, وهي حتقدم برنامجا جديدا خالصا غير «البيت بيتك» زي برنامج أوبرا وينفري من اعدادها وتقديمها ولا تتكلم الا ما تقتنع به.

همه اللي فصلوهم
«في البيت بيتك» الذي يعرض على القناة الأرضية، معها معتز الدمرداش، ومحمود سعد؟
- في فرق ان عندهم فقرات، وانهم معاها,,, لا، دول مش معاها، هي متفردة بفقرتها وهي أطول فقرة,,, تقابل كبار رجال الأعمال,,, والوزراء وكل من يدفع الناس انهم يتابعونهم.
هل علمت ان وجود ابنتك في «البيت بيتك» طيّر مذيعتين محبوبتين؟
- ما طيروش,,, حد!!
ماذا تفسر اذاً اختفاء ياسمين وجاسمين؟
- قبل رمضان اتشال (18) مذيعا من البرنامج.
,,, ولأن نيرفانا أصبحت مسنودة من الناس اللي فوق بدأت تمارس تعسفها وقوتها بالبرنامج؟
- ازاي الكلام ده.
رفضت ان يشاركها المذيع معتز الدمرداش مع الكاتب انيس منصور فغضب معتز,,, وترك البرنامج.
- أنيس منصور طلب نيرفانا بالاسم,,, قال اما نيرفانا والا مش عاوز حد يلاقيني.
يا راجل؟
- آه والله زي ما بقول لك كده,,, لأنها التقته في الأوربت في «القاهرة اليوم».

نرنفانا بروفشنال
عرفت انها سألت أنيس منصور عن رأيه بها؟ في برنامج يفترض ان يقدم معلومات وخدمات للناس؟
- وماله السؤال ده,,, السؤال جه في السياق، لأن انيس منصور كان بيحلم يكون مذيعا، وكمان هو رئيس لجنة لاختيار مذيعين جدد.
قلت,,, مذيعين جدد، ونيرفانا خبرتها 17 عاما!
- برضه يبقى هو أستاذ كبير، قال لها: مفيش اختصاص أكثر من اللي بتعمليه يا نيرفانا,,, هي «بروفشنال» أوي.
أعرف انك وزير ماليتها,,, كم تقبض نيرفانا من الشركة؟
- (ضحك): كثير,,, بنتي مش موظفة بالتلفزيون حتى تقبض ملاليم!! بنتي ستار وراها (17) سنة خبرة,,, مدة عقدها سنتان لبرنامجين واحد هو «البيت بيتك» والثاني «توك شو».

الطلاق في الطريق
أعرف ان شخصيتك قوية جدا عليها,،,, ومش شايفة حد يقدم لها الاحتواء اللي عملته معاها,,, الى هذا الحد انت مؤثر في حياتها وهي على وشك الانفصال عن زوجها.
- نعم,,, هي في طريقها للانفصال عن زوجها، خلافات كثيرة بينهما، وعندها منه ولد «عملني عجوز»,,, اسمه عمر عنده ثلاث سنوات وشوية,,, يدرس في الحضانة الانكليزية بمصر.
أعرف انك تعمل في مجال الأزياء النسائية، وان اناقة نيرفانا هي من اختيارك؟
- (ضحك بسعادة): طول عمري انا اللي بلبس بنتي، هي وحيدتي وفرحة عمري، ببعث لها أزياءها واكسسوارتها وكل حاجة من ذوقي ومن عندي أنا,,, ودلوقتي ببني لها قصر كبير في مدينة نصر.
قبل ست سنوات حدثتني عن هذا القصر الذي تبنيه,,, انت قلت لي ذلك.
- آه، صح بعت الأولاني وبعمل لها الثاني وهو قصر كبير يليق بها.

طراطيش كلام
سمعت ان ابنتك نيرفانا تلاقي دعما كبيرا من جمال نجل الرئيس مبارك؟
- من جمال، ده أنا سمعت من الريس بحاله؟
ما مدى صحة ان انفصالها الوشيك عن زوجها والد ابنها عمر، وراءه مشروع زواج من جمال مبارك، أشهر عازب في مصر.
- زواج نيرفانا من جمال اشاعة لذيذة وجميلة.
وسط المعارك الصحافية ضد ابنتك نيرفانا في مصر، ألا تفكر ان تعود لهدوء تلفزيون الكويت؟
- لا,,, ليه ترجع,,, ديه وصلت للرئاسة، ولـ (70) مليون مصري,,, انا شايف ان هناك أحسن.
فاطمي غير متواجد حالياً   رد مع اقتباس
   
إضافة رد

مواقع النشر (المفضلة)
   
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 11:26 AM.

منتدى منار هو منتدى أمريكي يشارك فيه عرب وعجم من كل مكان


Powered by vBulletin® Version 3.7.4
Copyright ©2000 - 2014, Jelsoft Enterprises Ltd.
جميع الحقوق محفوظة لمنتدى منار