عدنا إليكم..
نواصل..


الحين أوضح لك أشلون تقدر توصل الكلام اللي بالأحمر إلى الجمهور على شكل حوار:

تكتب بالشكل التالي:
(تخرج زينب من غرفتها وتجلس في الصالة.. ويبدو عليها الضيق والكآبة.. ثم تخرج أختها منال من المطبخ وهي تقوم بتجفيف يديها.. ثم تجلس قرب أختها):

منال:
ها زينب؟! عسى ما شر؟! ليش متضايقة؟!
زينب:
اشلون ما أتضايق يا منال وأحنا ساكنين في هالشقة اللي تقصر العمر؟!
منال:
ردينا على هالسالفة؟!
زينب:
اي ردينا... صار لنا شهرين من بعنا بيتنا وسكنا بهالشقة..ما دري ليش أبوي باع البيت؟!
منال:
تدرين أن أبوي باعه لأنه محتاج فلوس.
زينب:
اي بس أنا انحرج جدام صديقاتي.. وبعدين أنا ناوية أعزمهم على عيد ميلادي.. أعزمهم في شقة!
منال:
هذا نصيبنا.. وبعدين مو لازم عيد الميلاد هذا.. احنا ما لنا خلق هالسوالف؟!
- قطع -

ملاحظة: في نهاية المشهد نكتب كلمة قطع للتأكيد بأن المشهد انتهى ويتم الانتقال لمشهد جديد.. وهكذا..

وبهذه الطريقة أوصلنا المعلومات التي كانت بالفقرة الحمراء على شكل حوار قابل للترجمة لصورة مرئية.

نواصل بعد قليل.
-